PO'ULE' INGULIT 11:18 - KITAB NU TUMPU ALLA LELE MA'IMAI'

¹⁸ Saja' o inau' ka' saja' ahi opalahatikan na palentah haha aijo'. Posegot i botokon nu beleyum ka' i siakan nu beleyum da saja' o inau'.

PO'ULE' INGULIT 11:18 ပူးပေါင်းရင်းမြစ်များ

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

NOSABATMO 13:16

Anu saja' obau aijo' bau pompotuka' kita salaku tanda anu pinosegot i lima kabai i siakanto. Tiba jalan anu sumo aijo' kita saja'mo monginau' Tumpu anu nonsabatakonmo mae kita lengkat i Mesir nu kuasanyo anu daka'.”

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

AMSAL 3:1

Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo,

AMSAL 3:3

Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu,

YEREMIA 32:39

Ku bee'imo na aha tujuan nu kantumuu'an samata-mata ola sa'angu': aijo'mo, moholomati mae Aku sampe toka sidu-sidutu'; han aijo' na mombee'i ka'ima'an nu kantumuu'an nu aha, ka' suele kona hi lee' nu aha.

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

PO'ULE' INGULIT 32:46

i Musa notataemo, “Palahatikan na palentah iwi-iwi' anu binee'kumo hi belemiu sinaa aiya. Opotingan hi to ana-anak nu belemiu, da aha sabole-bole mombau iwi-iwi' na atulan nu Tumpu.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

IBRANI 2:1

Mokonyo aijo' kita tionyo lebe totu-totu'u mintoong i pangajalan anu i hongontomo, da kita boli mompala'i kapalesaya'anto.

2 PETRUS 1:12

Kalana aijo', aku saja' mompotuka' belemiu mongkona han anu sinanggomo aijo', mau mule' belemiu nonsumbu'mo ka' pinalesayamo hondo i pangajalan lengkat mae hi Tumpu anu tinalimamo miu aijo'.