PO'ULE' INGULIT 11:14 - KITAB NU TUMPU ALLA LELE MA'IMAI'

¹⁴ De belemiu mombaumo sumo aijo', saba' Tumpu mompotokamo mae ujan i tano' nu belemiu de tokamo na tempo'nyo salatan belemiu moko padakmo, ka' salatan tempo'nyomo na belemiu montampu'unimo motugan. Sahingga sukupmo na gandum nu belemiu, anggur ka' lanya' nu zaitun,

PO'ULE' INGULIT 11:14 ပူးပေါင်းရင်းမြစ်များ

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 5:24

Madi' toho' belemiu tinolotuka mongadati mae Aku, padahan Aku na nombee'i mae ujan maumo ipalatamanyo nu lonu nu ujan kabai ikamingkotannyo mo nu lonu nu ujan. Aku mule' ahi' na nombee'i belemiu lonu nu mongala isi nu ale' sataun toka sataun.

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

YOËL 2:19

Ia nontaami aha sumo uuka, “Uuka aiya belemiu iwi-iwi' Ku bee'imo gandum, anggur tiba lanya' nu zaitun da okaan da belemiu iwi-iwi' mobosu. Aku madi' mompojohok belemiu opopo ambang kabai nukokojoi nu to bansa-bansa.

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

IMAMAT 26:4

Ku tudunakonje mae na ujan toka i tempo'nyo, sahingga ale' ko hasinnyomo ka' kau' mimbua'mo.

MALEAKHI 3:11

Aku madi'mo ola mompopilaya koe' lewa' montimili bua' nu ale' nu belemiu, iwi-iwi' na anggur nu belemiu mahampemo na mimbua'.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

PO'ULE' INGULIT 28:12

Tumpu montudunakonje ujan de tokamo na lonunyo lengkat mae itampat pinompo'una'an-Nyo anu mabohos hondo aita'mae i langit. Ia mombalakatije iwi-iwi' apaa na anu obau nu belemiu, sahingga belemiu momposabonakonmo hi to bansa-bansa, panyo belemiu madi'mo palalu monsabon.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.