PO'ULE' INGULIT 10:9 - KITAB NU TUMPU ALLA LELE MA'IMAI'

⁹ Kalana aijo' tulunan nu bansa Lewi madi'mo mohumpak tano' da bau pusaka' nu aha, susumo anu pinoto'imo nu Tumpu Allah nu belemiu hi aha.)

PO'ULE' INGULIT 10:9 ပူးပေါင်းရင်းမြစ်များ

YEHEZKIEL 44:28

To ima-imam montalima pakalaja'an aijo' salakumo bagian nu aha i uno nu pombagian apaa na anu Ku bee'mo hi aha Israel molundu-lundu na tulunan. Aha madi' timbali mohumpak apa-apaa itano' nu Israel: Akumo na halata' nu aha.

NOMBILANGMO 26:62

To momo'ane anu aha sa'anakan mae i Lewi anu umunnyo molabimo sambitu'on mokiita' konjoo'nyo 23.000 na mian. Aha dinaputanakon madi' pinogalum hi aha to mia-mian anu bubu' bansanyo, kalana aha madi' nohumpak tano' pusaka' i Israel.

SISIKON NU TO RASUL-RASUL 8:21

Beleyum madi' ko hak mombatuki pakalaja'an mami, kalana kinyonyoaum madi' totu'u hi Tumpu.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 14:27

Boli ola opojohok na mian nu aha Lewi anu jojoong i iwi-iwi' na kota; o inau' ahi' na aha aijo' madi' ko posi tano'.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

YOSUA 14:3

Tano' i sasu kabete'an Kaunyo nu Yordan binee'mo i Musa hi aha ohua' ka' mintonga' na tulunan nu bansa sangga'at. (Palalu osumbu' na aiya saba' lee' i Yusuf binagi ohua' na tulunan nu bansa. Tulunan nu bansa Manasye tiba tulunan nu bansa Efraim.) Mongkona tulunan nu bansa Lewi, madi' ko tano' anu binee' i Musa hi aha. Aha ola binee'an to kota-kota' bau tampat kajojoongan, ka' anu ko padangnyo da nukaan nu sapi anu opotuu' tiba domba nu aha.