PO'ULE' INGULIT 10:8 - KITAB NU TUMPU ALLA LELE MA'IMAI'

⁸ I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 10:8 ပူးပေါင်းရင်းမြစ်များ

1 TOMU-TOMUNDO' 8:6

Lapas aijo' to ima-imam nomboamo Peti' Palajanjian aijo' i uno nu Laigan nu Tumpu ka' pinokokomo nu aha i patu nu patong nu malaekat haha aijo' i Salipi' Anu Susi' hondo.

1 TAWARIKH 15:2

I Daud notatae “Ola mian nu Lewi na timbali mohangkat Peti' Palajanjian nu Tumpu, kalana ahamo na anu pinile'an nu Tumpu monsimbu Peti' aijo' ka' mongkalesang sampe toka sidu-sidutu'.”

1 TAWARIKH 15:26

Popitu' na sapi' lakinyo ka' popitu' na domba sinombahkon hi Tumpu Allah kalana ia nontulungimo mian nu Lewi anu nonsimbumo Peti' Palajanjian aijo'.

1 TAWARIKH 23:13

I Amram aijo'mo na tuuma i Harun tiba i Musa. (I Harun ka' lee'nyo sampe toka sidu-sidutu' tinantukanmo samata-mata mongulus iwi-iwi' na pakakas anu opake de monsombahmo Tumpu, mompapu kamangian bau pongadati Tumpu, mombau anu nu pokauhakon nu Tumpu ka' mombalakati mian da'isan i uno nu sanggo nu Tumpu.

1 TAWARIKH 23:26

Kalana aitu, Kemah nu Tumpu ka' iwi-iwi' na pakakas anu opake de monsombahmo Tumpu madi'mo palalu lewa' nu simbu nu mian Lewi.”

2 TAWARIKH 29:11

To ana-anaku, bolimo montanda'i pipiin, kalana belemiumo na pinile'an nu Tumpu da monsombah ka' palesaya hi ia ka' mule' mompapu kamangian ka' mongatun mian da'isan da monsombah Tumpu.”

2 TAWARIKH 30:27

To ima-imam ka' mian nu aha Lewi nompoitamo da nu balakati nu Tumpu na aha mian da'isan ka' da kiita' mae i suluga' kajojoongan-Nyo Tumpu Allah mohongoakon mae do'a nu aha ka' mohalala'akon mae apaa na anu nupoita nu aha.

MAZMUR 134:1

Nyanyian mamba i tampat anu ko balakatnyo. Imbo', da opuji' na Tumpu, o mian iwi-iwi' posaihon nu Tumpu, iwi-iwi' anu monsombah i Laigan-Nyo de malomo.

MAZMUR 134:2

Tangkakon na lima nu beleyum mokiita' i tampat anu susi', ka' opuji' na Tumpu!

MAZMUR 135:2

anu monsombah i Laigan nu Tumpu i kajojoongan nu Tumpu-nto.

YEREMIA 15:19

Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha.

YEHEZKIEL 44:11

I unonu Laigan-Ku, aha ola timbali mombau anu Ku palentahkon salaku pangalaja ka' ponjagai sabatan daka'. Aha timbali mongkolot binatang-binatang anu okolobanaopopo tunu tiba palasombahan, ka' aha tionyo ahi' saja' molayani mian.

YEHEZKIEL 44:15

Tumpu Anu Matangkas na Kuasanyo notatae, “Tempo'nyo bansang Israel nohikumo mae Aku, aha to ima-imam Lewi anu lee' mae i Zadok na tinataap ahi' nontuluti apaa na anu pinalentahkon-Ku okalaja i Laigan-Ku. Kalana aijo' aha ahi' na tionyo mombau anu Ku palentahkon ka' toka mae i ahop-Ku monsombahkon lompo'nyo tiba baso' nu sinin na koloban.

IMAMAT 8:9

Lantas pinosongko'nyomo na suluban hi Harun, ka' i suluban aijo' pinosamatnyomo na mainan mosoni', salaku bau pontandai saba' i Harun anumo nu Tumpu. Iwi-iwi' aijo' binaumo i Musa susumo anu pinalentahkonmo nu Tumpu hi ia.

IMAMAT 9:22

Salatan moko sombahkonmo iwi-iwi' koloban haha aijo', i Harun montangkakon limanyo sasu mokiijo' hi mian Israel ka' mombalakatimo aha, lantas ia mintatau'mo.

NOMBILANGMO 3:31

Aha na mongkalesang Peti' Palajanjian, meja' tengke nu sulu', to mezbah-mezbah, pakakas anu opake nu to ima-imam i Salipi anu Susi', ka' lalanse' anu mongoloti Salipi' anu Susi'. Aha na mongkalesang iwi-iwi' na pakalaja'an apaa na obau i balang haha aijo'.

NOMBILANGMO 3:6

“Pokau mae na tulunan nu bansa Lewi mamba mae mangadap, ka' hangkat na aha da timbali posaihon i Harun.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 12:7

Mian anu ko balakat montulungi mian sangga'at, tionyo totu-totu'u montulungi mian sangga'at. Mian anu ko balakat mompogulu', tionyo totu-totu'u mompogulu'.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 18:5

Iwi-iwi' na tulunan nu bansa Israel ola tulunan nu bansa Lewi na pinile'an nu Tumpu Allah nu belemiu da timbali imam sampe toka sidu-sidutu'.

PO'ULE' INGULIT 21:3

Lantas to pola-polaya' nu kota anu ohani hondo tionyo ahi' mompile'i sa'angu' na sapi' anu daagi' bata'nyo anu ma'isa toho' pinake nokalaja.

PO'ULE' INGULIT 21:5

To ima-imam Lewi suele ahi' mamba mokiijo', kalana aha tionyo ahi' mombee'i kaputusan toto sa'angu' na palakala. Aha pinile'anmo nu Tumpu Allah nu belemiu da montuluti apaa na anu pinalentahkon-Nyomo ka' mompotokakon balakat lengkat mae hi Tumpu.

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.