PO'ULE' INGULIT 10:21 - KITAB NU TUMPU ALLA LELE MA'IMAI'

²¹ Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

PO'ULE' INGULIT 10:21 ပူးပေါင်းရင်းမြစ်များ

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

MAZMUR 109:1

Anu mongkapalai panyanyi, Mazmur i Daud. O, Tumpu anu saja' ku puji', boli ola tongo.

MAZMUR 145:6

Aha mombebakonmo palabuatan nu Belento anu talalo hondo okabuhuk kakuasa'an anu daka' hondo nu Belento kubebakonmo.

MAZMUR 148:14

Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 22:3

O Tumpu-ngku, aku nongkakase sina-sinaa, panyo Belento ola ahi' nomohokot. Aku binalado'a pihi-pihi, panyo kinyonyoangku madi' ahi' tenda.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 34:10

Tumpu notataemo hi Musa, “Uuka aiya Aku mombaumo Palajanjian tiba bansa nu aha Israel. I ahop nu mata nu aha Aku mombaumo anu okabangangi anu ma'isa toho' binau i bansa mau pa' iyaya mae i dunia aiya. Iwi-iwi' na bansa montoaje Aku mombau anu okabangangi kalana Aku, Tumpu mombaumo apa-apaa na anu okabuhuk nu belemiu.

YESAYA 60:19

Beleyum madi'mo daagi' nu timpa'i nu singgit de sinaamo ka' mule' madi'mo palalu nu jingkai nu bitu'on de pihimo. Kalana Aku Tumpu na timbalimo jingka sampe toka sidu-sidutu' hi beleyum, Aku monjingkaimo beleyum nu kaholomatan-Ku.

YESAYA 64:3

Belento toho'mo nombau palabuatan anu opalias hondo anu madi' sinangka-sangka mami, Belento nintatau'mo mae ka' i ahop nu Belento iwi-iwi na bungkutnyo ginayu'anmo.

YEREMIA 17:14

O Tumpu popa alin mae na aku, da aku mahosonmo. Posalamatakon mae na aku, da aku salamatmo. Olanyomo ahi' belento na anu Ku holomati hondo!

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

YOSUA 24:18

Ka' salatan kita ninsoopmo i lipu' aiya Tumpu nolaa'mo mian nu Amori iwi-iwi' anu jojoong i aiya. Jadi kami palesayamo ka' mohongo-hongomo Tumpu, kalana Iamo na Tumpu Allah-nto.”

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.