PO'ULE' INGULIT 10:20 - KITAB NU TUMPU ALLA LELE MA'IMAI'

²⁰ O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 10:20 ပူးပေါင်းရင်းမြစ်များ

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

MAZMUR 63:11

Aha silakamo i uno nu pahampatean, ka' timbalimo kaanon nu binatang anu mahangas.

NOSABATMO 20:7

Boli ola bau kasanggoan na sanggong-Ku, kalana Aku, Tumpu Allah nu belemiu, mohukum mau mule' pa' ihe na anu mombia-biangakon sanggong-Ku.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

YESAYA 45:23

Aku binalajanji'mo ka' janji'-Ku aijo' madi'mo mongabali'; posi Akumo ahi' na binasumpa'; Toto samian saidi' mae tolodadupumo i ahop-Ku, ka' posi basa'nyomo na ia balajanji' tulu-tulutanmo hi beleng-Ku.

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

LUKAS 4:8

I Yesus nontaami, “I uno nu Kitab nu Tumpu tinulis, ‘O sombah na Tumpuum ka' o hongo na palentah-Nyo.’ ”

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

PO'ULE' INGULIT 11:22

Otuluti ima-ima' na palentah aijo' iwi-iwi' anu pinoto'ingkumo hi belemiu. Okanonongi na Tumpu Allah nu belemiu, obau iwi-iwi' na anu pinalentahkon-Nyomo hi belemiu, ka' tionyo ahi' belemiu sabole-bole saja' montuluti Ia.

PO'ULE' INGULIT 13:4

Mian anu susumo aijo' hukumannyo tionyo ahi' opatei, kalana kahanda'mo momposangkalinga belemiu da boli montuluti, jalan a nu pinalentahkonmo nu Tumpu Allah nu belemiu hi belemiu. Ia mian anu ma'idek kalana mompokaumo belemiu da motomuhuk hi Tumpu Allah nu belemiu anu nompobebasmo belemiu nompala'imo mae Mesir, tampat nu belemiu binotuanan. Jadi ia tionyo ahi' opatei, da anu ma'idek aijo' madi'mo saja' obau. Panyo belemiu tionyo ahi' mombatuki Tumpu Allah nu belemiu ka' mongadati Ia, otuluti na Ia, ka' obau na palentah-Nyo iwi-iwi'. Sabole-bole saja' otuluti ka' opalesaya na Ia.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 4:4

panyo belemiu anu sabole-bole tulu-tulutan hi Tumpu Allah nu belemiu, daagi' tumuu' sampe tempo' uuka aiya.

PO'ULE' INGULIT 5:11

Boli ola bau kasanggoan na monsanggo, sanggong-Ku kalana Aku Tumpu Allah nu belemiu mohukum maumo pa' ihe na anu monsanggo-sanggong-Ku anu madi' mingkona hi pongka'oho'-Ku.

PO'ULE' INGULIT 5:29

Soba de aha saja' ko pikilan sumo aijo'! Soba de aha saja' mongadati Aku ka' montuluti palentah-ngKu iwi-iwi', sahingga aha ka' lee' nu aha mohumpak ka'ima'an sampe toka sidu-sidutu'!

PO'ULE' INGULIT 6:13

O adati na Tumpu, Tumpu Allah nu belemiu, ka' ola Ia na osombah, ka' de belemiu basumpa', aijo' obau ka' ola sanggo-Nyo na sanggo.

YOSUA 23:7

Tiba jalan anu sumo aitu belemiu madi'mo maninggalo' tiba to bansa-bansa anu daagi' atina' hi belemiu. Belemiu madi' timbali monsanggo sanggo nu to pilo-pilogot nu aha kabai basumpa' i sanggo aijo'. Ka' suele belemiu madi timbali monsombah kabai tolodadupu i ahop nu to pilo-pilogot haha aijo'.

YOSUA 23:8

Ola ahi' tionyo belemiu sabole-bole montuluti Tumpu, susumo anu binaumo nu belemiu sangkutnyo uuka aiya.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”