PO'ULE' INGULIT 10:16 - KITAB NU TUMPU ALLA LELE MA'IMAI'

¹⁶ Jadi mulai uuka aiya belemiu tionyo ahi' tulu-tulutan hi Tumpu ka' bolimo daagi' panggaga.

PO'ULE' INGULIT 10:16 ပူးပေါင်းရင်းမြစ်များ

KAJADIAN 17:11

O tampu'uni uuka aiya beleyum tionyo ahi' monsunat batu-batu anak mo'ane anu daagi' bungamea' anu umunnyo uwalun sinaamo, tiba to posa-posaihon anu i hampe'akon i laigan nu beleyum kabai anu ingoli nu beleyum. Sunat aijo' bau pontandai palajanjian anu jinanji'-Kumo hi komiu.

2 TAWARIKH 30:8

Boli panggaga susumo aha, panyo otuluti na Tumpu. Imbo' toka mae i Yerusalem, i Laigan nu Tumpu anu tinantukanmo nu Tumpu Allah nu belemiu samata-mata ponsomban Ia sampe toka sidu-sidutu'. Imbo' toka mae sombah na Ia da Ia madi'mo montambuha'i belemiu.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEHEZKIEL 44:7

Aha nohumimi'imo Laigan-Ku, kalana hau-haunyo lompo'nyo tiba baso'nyo nu koloban osombahkonmo hi beleng-Ku aha mompobee'mo to mia-mian anu isalipu'an mae minsoopmo i unonyo padahan madi' sinunat ka' anu madi' montuluti Aku. Kalana palabuatan-palabuatan nu aha anu okahenyui aijo', aha nolanggaimo palajanjian-Ku tiba aha.

IMAMAT 26:41

sahingga Aku nongalamo kaputusan molaa'mo aha momboamo ka' opojoongmo i lipu' nu anu monsampobali' aha. Ahennyo, de lee' nu belemiu matundu'mo ka' montalimamo hukuman kalana dosa' ka' kalana noto idekmo na aha.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 31:27

Ku sumbu' na aha talalo hondo panggaga ka' saja' moto'idek. Tempo'nyo aku daagi' tutuu' aha noto'idekmo hi Tumpu; apaa mule' saidi' mae, de aku silakamo!

PO'ULE' INGULIT 9:13

Tumpu notatae mule' hi belengku, ‘Ku sumbu' na bansa aijo' talalo hondo panggaga.

PO'ULE' INGULIT 9:6

Palesaya saba' Tumpu Allah nu belemiu madi'mo mombee' tano' anu ma'omuk aijo' hi belemiu kalana belemiu madi' pantas na mongala. Belemiu bansa anu panggaga.

KOLOSE 2:11

Kalana nosa'angu'mo tiba i Kristus komiu sinunatmo, misa' sumo sunat anu binau nu mian, panyo sunat anu binau i Kristus, anu nompobebasmo komiu i kuasa nu tabiat anu baladosa'.