PO'ULE' INGULIT 1:7 - KITAB NU TUMPU ALLA LELE MA'IMAI'

⁷ Uuka mo kijo i da'erah titikup aitumo Bangka'nyo nu Yordan da'erah nu sa bungku-bungkut ka' bangka'nyo da'erah sasu salaitan ka' bangka'nyo da'erah sasu salaitan ka' sonibi nu Ambai Totonga. Lako'mo jojong i tano nu Kanaan ka' bungkutnyo nu Libanon toka-toka kaunyo daka Efrat

PO'ULE' INGULIT 1:7 ပူးပေါင်းရင်းမြစ်များ

KAJADIAN 12:9

Lapas aijo' ia namba mule' lengkat i sa'angu' na tampat namba mule' i tampat sangga'at mompanjolongi bahagian sasu selatan tano' nu Kana'an.

2 SAMUEL 8:3

Lapas aijo' i Daud nompatundu' mule' i Tomundo' Hadadezer anak i Rehob anu nompalentah kiijo' i Zoba, sa'angu' na kalajaan koko Damsyik. Tempo'nyo aijo' i Hadadezer, hau-haunyo nambamo kahanda' monsoba de opoko ala po ule' nu kuasai na da'erah koko mata nu Kaunyo Efrat.

1 TAWARIKH 18:3

Lapas aijo' i Daud nompatundu'mo i Hadadezer, tomundo' nu Zoba koko da'erah hamat i lipu' Siria. Tempo'nyo aitu i Hadadezer hau-haunyo mambamo mongkuasai da'erah koko matannyo nu Kaunyo Efrat.

1 TAWARIKH 5:9

Aha manjoo' hondo na potu'on i da'erah Gilead. Mokonyo' aijo' aha jinojoongmo i da'erah sasu kabete'an sampe tinoka i padang anu mateges, kinojo'onnyo tinoka-toka i kaunyo nu Efrat.

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

AMOS 2:9

Maumo sumo aijo', belemiu mian-Ku anu palesayamo, kalana belemiu sahingga Aku nohopu'imo mian nu Amori anu toto tangka'-tangkas susumo kau' cemara ka' mokuut susumo kau' terpentin.

NOMBILANGMO 10:12

Lantas aha mian Israel aijo' nambamo nolundu-lundu nompala'imo padang bola Sinai, ka' kundom aijo' jinojoongmo salatan aha tinokamo i padang bola Paran.

PO'ULE' INGULIT 1:19

“Salatan susumo anu pinalentakon Tumpu Allahnto kita nompala'i Bungkut nu Sinai ka i lumajang non tulu padang bola anu ewa ka'okabuhuk mokijo da'erah bungkut nu mian Amori.

PO'ULE' INGULIT 11:11

Panyo lipu' anu opinsoopi nu belemiu daagi' ko bungkutnyo ka' bangka'nyo; tano'nyo nu ueei nu ujan.

PO'ULE' INGULIT 11:24

Batu-batu da'erah anu olajangi nu belemiu, timbalimo anu miu. Da'erah nu belemiu lengkat pe'e mae i padang bola i sasu selatan toka-toka i Bungkutnyo nu Libanon i sasu utara ka' lengkat mae i Kaunyo nu Efrat i sasu kabete'an toka-toka i Ambai anu Totonga'nyo i sasu kinsoban.

YOSUA 1:4

Da'erah nu belemiu otampu'uni lengkat mae i padang bola sasu Selatan toka-toka i Bungkutnyo nu Libanon sasu Utara ka' lengkat mae i Kaunyo nu Efrat anu daka' aijo' i sasu kabete'an lau-laus mokiijo' monsangkup lipu' nu bansa Het toka-toka i Ambai anu Totonga'nyo i sasu kinsoban.

YOSUA 10:40

Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

YOSUA 9:1

Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

ANU PINOTO'I HI YOHANES 9:14

Potatae aijo' notatae hi malaikat ko anomnyo, “Lapasakonmo opa-opat na malaikat anu sego-segot i Kaunyo nu Efrat aijo'!”