PO'ULE' INGULIT 1:36 - KITAB NU TUMPU ALLA LELE MA'IMAI'

³⁶ Lahi Kaleb, anak Yefune na mompisopi, kalana ia tatap mohongo-hongo Aku. Toka hi Kaleb ka' tulunannyo ku bee'jena lipu anu i lambananmo aijo.

PO'ULE' INGULIT 1:36 ပူးပေါင်းရင်းမြစ်များ

MAZMUR 63:8

Kalana Belento na nontulungimo mae aku; i uno nu polipik nu Belento, aku nanyanyimo ka' i lame'mo.

NOMBILANGMO 13:30

Panyo i Kaleb nompokinde'imo da sanang na kinyonyoa nu to mia-mian anu nososonmo hi Musa. Notatae na i Kaleb, “Lipu' aijo' tionyo ahi' otumbuhintomo ka' o alantomo uuka aiya, kalana kita to hoso-hoson timbali mompokala aha.”

NOMBILANGMO 14:24

Panyo madi' sumo aijo' na posaihon-Ku i Kaleb. Ia saja' tulu-tulutan hi beleng-Ku. Kalana aijo' ku boa na ia i lipu' anu pininsoopannyomo. Uuka aiya aha mian nu Amalek ka' aha mian nu Kana'an jojoong kiijo' i bangka'nyo. Panyo da'erah aijo' saidi' mae timbalimo anu nu lee' i Kabel, posaihon-Ku aijo'. Dodop belemiu tionyo ahi' minsusule'mo mambamo i padang bola sasu Luoknyo nu Akaba.”

NOMBILANGMO 26:65

Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

NOMBILANGMO 32:12

Iwi-iwi' na mian mohumpak hukuman aijo' ola i Kaleb anak i Yefune, mian nu Kenas, tiba i Yosua anak i Nun na madi', kalana ua-ua'aha na saja' ahi' tulu-tulutan hi Tumpu.

NOMBILANGMO 34:19

Sanggo nu mian haha aijo' atina'mo: TULUNAN NU BANSA POLAYA'NYO Yuda i Kaleb anak i Yefune Simeon i Samuel anak i Amihud Benyamin i Elidad anak i Kislon Dan i Buki anak i Yogli Manasye i Haniel anak i Efod Efraim i Kemuel anak i Siftan Sebulon i Elisafan anak i Parnah Isakhar i Paltiel anak i Azan Asyer i Amihud anak i Selomi Naftali i Pedael anak i Amihud

IBRANI 3:16

Yoh, ihemo na to mia-mian anu nohongomo potatae nu Tumpu Allah lantas notomuhukmo hi Ia? Aijo'mo iwi-iwi' na mian anu i laya'mo i Musa nosabat lengkat mae i Mesir, kabai misa'o?