PO'ULE' INGULIT 1:28 - KITAB NU TUMPU ALLA LELE MA'IMAI'

²⁸ Jadi bau apa na kita mokijo? Tomi-mian anu pinokaunto no kijo' mombau kita mabuhuk tiba mompotoiakon saba bansa aijo lebe mahason ka lebe bani hondo tiba kita, ka'aha mule' jojong i kota-kota anu ko pimpi'nyo ko tangkasnyo toka i langit.

PO'ULE' INGULIT 1:28 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YEHEZKIEL 21:7

De aha mompokilawa kadaka' beleyum nososonmo saba' poto'i taalu' beleyum sinusa'mo na kinyonyoa kalana lele nu balaa' anu saidi' mae toka. Lele aijo' mompolangkakatanmo kinyonyoa nu aha, lima nu aha lundengmo, ka' ike-ike' nu aha suele langkakatanmo ahi', aha madi'mo daagi' bilak. Memang sinaanyo aijo' tokamo mae, ka' iwi-iwi' aijo' tionyo ahi' jadimo. Aku, Tumpu Anu Matangkas na Kuasanyo notataemo.”

PO'ULE' INGULIT 1:29

Panyo belengku no tatae, boli mabuhuk hi to mia-mian aijo'.

PO'ULE' INGULIT 2:10

Naipuan mae Ar nujojoongi nu aha mian Emim. Butong nu aha to daka-daka', pokakana mian nu aha Enak, suele bansa anu to daka-daka'.

PO'ULE' INGULIT 20:20

To kau-kau' sangga'at timbali opahanta'akonmo nu belemiu da bau pompagan ka' bau polibaan pontumbuhian miu aha sampe kota aijo' mahungku'mo.”

PO'ULE' INGULIT 20:8

To kapa-kapala nu suludadu suele tionyo ahi' mompoto'i aiya hi belemiu, ‘Pa' daagi' ko mian anu aiya hi belemiu madi' moko ala mahampate ka' mabuhuk? De daagi', pinsusule' pe'e na ia da boli ia na mongidei kabaanian nu mian sangga'at.’

PO'ULE' INGULIT 7:17

Ihe na monsumbu' belemiu montutugi bansa haha aijo' lebe manjoo' sahingga belemiu madi' moko ala molaa' aha.

YOSUA 11:22

Mau pe'e ola samian na bansa Enak aijo' madi'mo daagi' ko anu tinontuha i da'erah Israel, ola kiijo' i Gaza, Gad ka' Asdod na daagi'.

YOSUA 14:8

To mia-mian anu namba tiba aku, nompopobuhukmo aha mian nu Israel. Panyo aku sabole-bole saja' nohongo-hongo Tumpu Allah-ngku.

YOSUA 15:14

Lee' mae i Enak aijo'mo aha mian nu Sesai, Ahiman tiba Talmai. I Kaleb nolaa'mo aha iwi-iwi' da madi'mo jojoong i Hebron.

YOSUA 2:11

Salatan ihongomo mami na lele haha aijo' kami nabuhukmo hondo. Iwi-iwi' na mian aiya hi kami madi'mo ko anu binaani kalana nohongomo belemiu. Tumpu Allah nu belemiu totu-totu'u Tumpu Allah Anu Daka' na Kuasanyo aita' i langit ka' aiya i dunia.

YOSUA 2:24

Lapas aijo' aha notataemo, “Memang matantumo na Tumpu mombee'mo iwi-iwi' na lipu' aijo' hi kita, iwi-iwi' na mian anu kiijo' mae nongkabuhukmo kita.”

YOSUA 2:9

ka' notatae hi aha, “Ku sumbu' Tumpu nombee'mo lipu' aiya hi belemiu. Iwi-iwi' na mian aiya nabuhukmo hi belemiu.

TO MIA-MIAN KOPIAN 1:10

Ka' i kota Hebron, aijo'mo kota anu naipuan mae sinanggohan Kiryat-Arba. Ikiijo' aha mian nu Yehuda nompatundu'mo aha mian nu Sesai, Ahimin tiba Talmai.

TO MIA-MIAN KOPIAN 1:20

Sumo anu pinalentahkonmo i Musa, Hebron obee' hi Kaleb, kalana naipuan mae totolu' na tompukan nu mian lee' mae i Enak i laa'mo i Kaleb nosabat i kota aijo'.