PO'ULE' INGULIT 1:18 - KITAB NU TUMPU ALLA LELE MA'IMAI'

¹⁸ Tempo'nyo aijo suele belengku nompotujumo hi komiu mongkona hah sagaat anu tionyo obau miu.”

PO'ULE' INGULIT 1:18 ပူးပေါင်းရင်းမြစ်များ

NOSABATMO 18:20

Beleyum tionyo ahi' mompogulu' hi aha iwi-iwi' na palentah nu Tumpu Allah ka' mompoto'i mosia na jalan nu kantumuu'an anu ma'ima' ka' apaa na anu tionyo ahi nubau nu aha.

NOSABATMO 18:22

Pokau na aha mompojalan ulusan salaku mian kopian nu aha bansa aijo', toto samian hi posi-posi tompuknyo nu aha. Kalaja aijo' tionyo ahi' nubau nu aha ma'i-ma'ima' ka' tangatun. Palakala anu toto maha-mahan yo aijo' na timbali nuboa mae nu aha hi beleyum, panyo pahangka'idekan anu toto ise-ise' timbalimo nu posi putusi nu aha. Han aijo' mompolaingmo ulusan nu beleyum kalana aha suele bala usahamo ahi' mokalaja totu-totu'u na momputusi.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.