PO'ULE' INGULIT 1:17 - KITAB NU TUMPU ALLA LELE MA'IMAI'

¹⁷ Koputusan boli mabuat sambiha'; iwi-iwi na mian tionyo oadini miu pokakana madi' mompine ihe na mian aijo. Boli mabuhuk pa ihe pe'e, saba keputusan anu ingala miu anu lengkat mae hi Tumpu Allah. Bisuannyo ko palakala talalo maboat hi belemiu, boamae hi belengku, da belengku na momputusi.

PO'ULE' INGULIT 1:17 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

2 SAMUEL 14:14

Kita suele iwi-iwi' silaka; kita aiya sumomo uee anu nobubusmo i tano' madi'mo opoko ala po'ule' opolimu'. Tumpu Allah madi'mo po'ule' mompotumuu' mian anu sinilakamo; kalana aijo' tionyo ahi' o'usahakaon nu belento Tuanku da mian anu binoamo i tano' majo'on po'ule' mae minsusule'.

2 TAWARIKH 19:5

Toka i toto sa'angu' na kota anu ko bentengnyo i da'erah Yehuda ia mohangkat to mia-mian kopian,

2 TAWARIKH 19:6

ka' mombee'i palentah sumo uuka, hi aha, “Obau pande-pande na momputusi palakala kalana belemiu momputusi misa' pongka' oho' nu manusia panyo mongala pongka'oho' nu Tumpu. Ia na montoa belemiu de belemiu momputusimo palakala.

AYUB 31:34

Pikilan nu mian da'isan madi' ku kabuhuk, ka' mian mongalu mae madi'mo ku pajuli. Madi' toho' aku jinojoong i laigan kabai me ola momohokot, ola kalana nabuhukmo dumo saidi' mae o'alu.

MAZMUR 82:2

“Bolimo daagi' mombee'i kaputusan anu madi' adin, ka' boli montinjohi mian anu ma'idek na kinyonyoanyo.

NOSABATMO 18:18

Desumo jalan atina' nu posi polawemo na butong nu beleyum, ka' suele mian haha aitu. Pakalaja'an atina' talalo manjoo' de ola samian na mongulus.

NOSABATMO 18:22

Pokau na aha mompojalan ulusan salaku mian kopian nu aha bansa aijo', toto samian hi posi-posi tompuknyo nu aha. Kalaja aijo' tionyo ahi' nubau nu aha ma'i-ma'ima' ka' tangatun. Palakala anu toto maha-mahan yo aijo' na timbali nuboa mae nu aha hi beleyum, panyo pahangka'idekan anu toto ise-ise' timbalimo nu posi putusi nu aha. Han aijo' mompolaingmo ulusan nu beleyum kalana aha suele bala usahamo ahi' mokalaja totu-totu'u na momputusi.

NOSABATMO 18:26

Aha mompojalan palentah salaku mian kopian nu aha bansa Israel. Palakala anu toto maha-mahan na nuboa nu aha hi Musa, panyo pahangka'idekan anu toto ise-ise' nu posi ulusmo nu aha.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

AMSAL 24:23

To mia-mian anu pande hondo toho' notatae sumo uuka: Mian kopian madi' timbali maboat i sambiha'.

AMSAL 28:21

Madi' ma'ima' na mombeda-bedakon samian ka'samian, panyo daagi'je mule' ahi ko mian kopian anu ka'oho' madi' adin ola kalana da mohumpak doi sangkiding.

AMSAL 29:25

Mabuhuk hi pongka'oho' nu mian, monsaduakon kasusa'an. Palesayamo hi Tumpu, sahingga beleyum madi'mo ko anu mompoposia.

YEREMIA 1:17

Balasadiamo, Yeremia! Lako'mo ka' poto'imo hi aha, iwi-iwi' na anu pinalentahkon-Kumo hi beleyum. Boli mabuhuk hi aha da beleyum boli mule' Ku pojadi lebe mabuhuk de mompaha ahopmo tiba aha.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MARKUS 12:14

Aha tinoka hi Yesus ka' notatae', “Tuumangku Gulu', osumbu' mami kita Tuuma madi' tageo', ka' madi' montoa pikilan nu sangga'at. Kita Tuuma mongajan anu sahondo-hondonyo mongkona kahanda' nu Tumpu hi mian, kalana kita Tuuma madi' mompile'i mian. Yoh, soba taloakonmo mae nu kita Tuuma hi kami, ‘De mombatuki atulan nu agamanto, pa' timbali na kita mombayan hasin hi Tomundo, kabai madi'? Tionyo na kita mombayan hasin aijo' kabai madi'?’ ”

LUKAS 20:21

Jadi to mia-mian anu pinonsuu' akonan aijo' notataemo hi Yesus, “Kita Tuumangku Gulu', osumbu' mami iwi-iwi' na anu tinaloakontomo nu Kita Tuuma ka' pinogulu'mo aijo' totu'u. Osumbu' mami mule' Kita Tuuma mompogulu' mana-manasa mongkona kahanda' nu Tumpu hi mian, kalana Kita Tuuma, madi' mompile'i mian.

ROMA 2:11

Kalana Tumpu mompoposia iwi-iwi' mian pokakana.

EFESUS 6:9

To Utu-utus anu tinimbalimo tuan! Tionyo ahi' komiu montiho sumo aijo' suele kona hi to posa-posaihon. Boli talalo masigo. Jaga saba' komiu ka' to posa-posaihon miu haha aijo' hingga-hinggat daagi' ko sa'angu' na bagi tumpuan, aijo'mo Tumpu anu i suluga'. Ia madi' montoa ohup nu mian.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.

YAKOBUS 2:9

Panyo de komiu madi' mompokakanakon mian, ka' ola mule' mombatuki adat nu dunia, komiu nombaumo dosa' ka' atulan nu Tumpu Allah momponyata'mo saba' komiu atina' nolanggaimo atulan.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.