PO'ULE' INGULIT 1:1 - KITAB NU TUMPU ALLA LELE MA'IMAI'

¹ Kitab aiya isinyo potatae anu pinotoi i Musa toka hi bansa Israel tempo'nyo aha kijo i padang bola i bangka'nyo nu Yordan. Bangka, nyo aijo ikijo sasu kabetean kaunyo nu Yordan. Bangka'nyo aijo ikijo sasu kabeteau kaunyo nu Yordan ohani kota Suf olot nu kota Paran ka'kota-kota Tofel, Labau, Hazerot ka Di-Zahabab.

PO'ULE' INGULIT 1:1 ပူးပေါင်းရင်းမြစ်များ

KAJADIAN 21:21

Tinanyo nompo osoakon ia tiba samian na bo une nu Mesir.

1 TOMU-TOMUNDO' 11:18

Aha namba lengkat mae i Midian lantas nambamo i Paran. Ikiijo' mae tiba to pia-piangkuka na mian sangga'at nosangalumo tiba aha lantas hingga-hinggat nambamo i Mesir, kahanda' singkabot tiba i tomundo' Mesir. Tomundo' aijo' nombee'imo i Hadad laigan ka' tano' da bau kajojoongannyo ka' mule' balanja anu bau pontumuu'.

HABAKUK 3:3

Belento Tumpu Anu talalo ahi' susi' lengkat mae i Teman Belento lengkat mae i bungkutnyo nu Paran. Langit sinongkohanmo nu katalasanggoan nu Belento; dunia nobuke'mo nu anu bau pompuji' Belento.

NOMBILANGMO 10:12

Lantas aha mian Israel aijo' nambamo nolundu-lundu nompala'imo padang bola Sinai, ka' kundom aijo' jinojoongmo salatan aha tinokamo i padang bola Paran.

NOMBILANGMO 11:35

Lengkat ikiijo' bansa aijo' nolalinmo i lipu' Hazerot, ka' nombaumo kemah i tampat aijo'.

NOMBILANGMO 12:16

Lapas aijo' aha nompala'imo Hazaret ka' nompotinjomo kemah i padang bola Paran.

NOMBILANGMO 13:26

ka' nompoto'imo hi Musa, hi Harun ka' hi iwi-iwi' na aha mian nu Israel anu hau-haunyo sinihukmo kiijo' i Kades, i padang bola Paran. Aha monsisikmo apaa na anu tinoamo mae nu aha ka' nompotoamo bua-bua' nu sosu'anon haha aijo' anu binoa mae nu aha.

NOMBILANGMO 13:3

Susumo anu pinalentahkonmo nu Tumpu Allah aijo', i Musa nonsaimo aha lengkat mae i padang bola Paran. Iwi-iwi' na mian haha aijo' atina'mo na to pola-polaya' nu aha mian Israel: TULUNAN NU BANSA POLAYA' Ruben i Syamua anak i Zakur Simeon i Safat anak i Hori Yehuda i Kaleb anak i Yefune Isakhar i Yigal anak i Yusuf Efraim i Hosea anak i Nun Benyamin i Palti anak i Rafu Zebulon i Gadiel anak i Sodi Manasye i Gadi anak i Susi Dan i Amiel anak i Gemali Asyer i Setur anak i Mikhael Naftali i Nahbi anak i Wofsi Gad i Guel anak i Makhi

NOMBILANGMO 32:19

Mau ola sangkiding na tano' nu aha madi'kami mongala anu kiijo' i santoa nu Kaunyo nu Yordan kalana nohumpakmo bagi na kami i aiya, i sasu kabete'an Kaunyo nu Yordan.”

NOMBILANGMO 32:32

Tumpu na momboa kami motaap mokiijo' i lipu' nu aha Kana'an ka' mahampate, panyo tano' i sasu kabete'an nu Kaunyo nu Yordan aiya sabole-bolemo ahi' kamimo na tumpunyo.”

NOMBILANGMO 32:5

opoita mami na tano' aijo' obee'mo mae hi kami da timbalimo anu mami. Bolimo monsai kami molalin i santoa nu Kaunyo Yordan.”

NOMBILANGMO 34:15

Tano' pusaka' nu aha aijo' i sasu kabete'an Kaunyo nu Yordan, koko kota Yerikho.”

NOMBILANGMO 35:14

totolu' i sasu kabete'an Kaunyo nu Yordan ka' totolu' mule' i tano' nu Kana'an.

PO'ULE' INGULIT 2:8

Lapas aijo' kita po'ule'mo i lumajang, nompala'imo jalan anu motulu i kota Elat ka' Ezion-Geber mokiijo'mo i Ambai Mate, lantas nonsiopo'akonmo nokiijo' i ambai sasu kabete'an nokiijo'mo i Padang bola Moab.

PO'ULE' INGULIT 27:1

Lapas aijo' tiba to pola-polaya' nu aha Israel, i Musa nompoto'imo potuunon aiya hi bansa aijo', “Otuluti na palentah iwi-iwi' anu binee'kumo sinaa aiya hi belemiu.

PO'ULE' INGULIT 29:1

Aiyamo na anu pinoto'i i uno nu palajanjian, ka' anu pinalentahkonmo nu Tumpu, ka' binaumo i Musa hi bansa Israel tempo'nyo kiijo' mae i tano' nu Moab. Palajanjian aijo' salaku bau pontuangi palajanjian anu binaumo nu Tumpu tiba aha i Bungkutnyo nu Sinai.

PO'ULE' INGULIT 31:1

I Musa po'ule' mule' notatae hi Bansa Israel,

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

YOSUA 22:4

Sahingga susumo anu jinanji'-Nyomo, Tumpu Allah nu belemiu nombee'imo ka'amanan hi to utu-utus nu belemiu, mian nu Israel sangga'at. Jadi, uuka aiya pinsusule'mo i posi da'erah nu belemiu i sasu kabete'an Kaunyo nu Yordan aijo' anu binee'mo i Musa hi belemiu u'utu mae.

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.

YOSUA 9:1

Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

YOSUA 9:10

ka' apaa na anu binau-Nyomo hi aha ohua' na tomundo nu Amori, i sasu kabete'an nu Kaunyo Yordan, aijo'mo: i Sihon tomundo nu Hesybon ka' i Og tomundo nu Basan anu jojoong i Astarot.

1 SAMUEL 25:1

Madi' pinin sinilakamo na i Samuel. Iwi-iwi na mian nu aha Israel sinihukmo ka' nohangimo. Lapas aijo' ilamunmo kiijo' i Rama. Lapas aijo' i Daud nambamo kiijo' mae i padang anu mateges anu kiijo' i Paran.