OBAJA 1:9 - KITAB NU TUMPU ALLA LELE MA'IMAI'

⁹ Mian anu to babaani anu lengkat mae i Teman mabuhukmo, ka' iwi-iwi' na suludadu nu Edom silakamo.”

OBAJA 1:9 ပူးပေါင်းရင်းမြစ်များ

AYUB 2:11

Balaa' anu nontokaimo i Ayub ihongomo nu aha totolu' na to sanga-sangalunyo, aijo'mo i Elifas lengkat mae i kota Teman, i Bildad mian nu Suah ka' i Zofar mian nu Naamah. Aha nosangaja'mo mae toka nontoa ka' mombee'i pikilan ia da tokolo' susa na kinyonyoanyo.

YEREMIA 49:20

Kalana aijo', potombihing mae apaa na anu tinanga'an-Kumo obau hi aha mian nu Edom, ka' apaa na anu kahanda'mo Ku bau hi aha mian anu jojoong ikota' Teman. To ana-anak suele nu aha o alamo ahi' ka' oboa ka' sinin na mian mabuhukmo.

YEREMIA 49:22

Susumo bonyia' monsabut nu boka na polipiknyo, sumo aijo'mo na sampobali' toka mae ka' monsabut Bozra. Toka isinaa aijo' suludadu nu Edom mabuhukmo susumo boune anu kahanda'mo mompohampe anak.”

YEREMIA 49:7

Sumo uuka na koo-Nyo nu Tumpu Anu Mahakuasa na aha Edom, “Te aha mian nu Edom madi'mo daagi' noko ala pinande na bapikin? Te aha to mia-mian anu lewa' mompokinde'i madi'mo nompokinde'i aha? Pa' iningkotmo na kapandean nu aha!

YEHEZKIEL 25:13

Kalana aijo' Ku bebakonmo taalu' Aku mohukumo Edom ka' mompateimo iwi-iwi na manusia ka' mule' iwi-iwi na binatang anu kiijo' mae. Songko-songko na lipu' aijo' lengkat pe'e mae i kota' Teman toka-toka i kota' Dedan, Kupoliingmo madi'mo ko anu ohongo na potatae, miannyo anu kiijo' singkapmo silaka i uno nu pahampatean.

AMOS 1:12

Kalana aijo', Aku mombee'imo apu mokiijo' i kota' Teman, ka' nompapui to bente-bentengnyo nu Bozra.”

AMOS 2:16

I sinaa aijo' suludadu anu talalo baani, mompala'imo toongonnyo lantas mopadeka'mo. Aku na Tumpu anu notataemo.”

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

OBAJA 1:5

Anu montomang kabai tololang anu toka mae pihi ola mongala anu nu ka'ima'i nu aha. Mian anu montipu anggur i ale' saja' mompotuha' to pia-piangkuka na bua'nyo. Panyo belemiu opateimo iwi-iwi' madi'mo ko anu tontuha' na nu patei nu aha to sampo-sampo bali' nu beleyum.

NAHUM 3:13

To sulu-suludadu nu beleyum lupemo susumo boune ka' lipu' nu beleyum totu-totu'u madi'mo moko ala na mongahopi sampo bali'. Apu montoyo'imo iwi-iwi na supat nu sabatan daka' nu belemiu.

HABAKUK 3:3

Belento Tumpu Anu talalo ahi' susi' lengkat mae i Teman Belento lengkat mae i bungkutnyo nu Paran. Langit sinongkohanmo nu katalasanggoan nu Belento; dunia nobuke'mo nu anu bau pompuji' Belento.

PO'ULE' INGULIT 2:5

panyo belemiu madi' timbali montumbuhi aha, kalana tano' nu aha mau pe'e ola sangkiding madi' Ku bee' hi belemiu, kalana da'erah nu Edom binee'Kumo hi lee' i Esau.