OBAJA 1:7 - KITAB NU TUMPU ALLA LELE MA'IMAI'

⁷ Beleyum o akalimo nu mian anu nosa'angu'mo nontulungi belemiu ka' ilaa'mo mae lengkat i kampung nu belemiu. Belemiu pinatundu'mo nu to sanga-sangalu nu belemiu, tinuamo nu mian anu nongkaan hingga-hinggat tiba belemiu. Aha lewa'mo noleleki mongkona butong nu beleyum. ‘Iyamo uuka aiya na kapandeannyo aijo' iwi-iwi'?’

OBAJA 1:7 ပူးပေါင်းရင်းမြစ်များ

MAZMUR 41:10

Pakalaus mule' sangalu anu mompahasumbu' hondo ka' ku palesaya hondo, mian anu nongkaanmo tiba aku nompopo ambangmo mae aku.

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 30:14

Iwi-iwi' na anu mongka'ima'i beleyum nongkolilimimo beleyum; aha madi'mo daagi' mompotutugakon beleyum. Susumo sampobali' tinumbuhan-Kumo ka' nohukumo belemiu pinosansala hondo. Kalana nanjoo'mo na dosa' nu belemiu ka' dinakamo hondo na kasala'an nu belemiu.

YEREMIA 38:22

Tinoangkumo apaa na anu pinotoa aijo', aijo'mo to bou-boune iwi-iwi' anu daagi' kiijo' ilaigan nu tomundo' Yehuda sinabatakonmo ka' binoa hi to miamian anu ko pangkatnyo ikalaja'an Babel. Hau-haunyo lumajang aha notataemo, ‘I tomundo' ingakalanmo nu to soba-sobatnyo anu mompahakona hondo, ka' kinuasanmo nu aha. Uuka aiya salatan tengkenyo tinongkelejutmo i uno nu hensek, aha iwi-iwi' tinolosule'mo.’ ”

YEREMIA 4:30

O Yerusalem beleyum pinala'ianmo ka' madi'mo daagi' moko ala mombau apa-apaa! Daagi' apaa na gunanyo mompusok baju' momea' ka' mompakei nu mosoni' tiba salaka, ka' mule' monjohiti mata nu celak? Palasuma na beleyum mompokopiani butong nu beleyum, kalana to mia-mian anu monsindua'i beleyum madi'mo daagi' mongka'ima'i beleyum. pakalaus mule' kahanda'mo nu patei nu aha na beleyum.

YEREMIA 49:7

Sumo uuka na koo-Nyo nu Tumpu Anu Mahakuasa na aha Edom, “Te aha mian nu Edom madi'mo daagi' noko ala pinande na bapikin? Te aha to mia-mian anu lewa' mompokinde'i madi'mo nompokinde'i aha? Pa' iningkotmo na kapandean nu aha!

MOHAANGI 1:19

Aku molagamo to sanga-sangalungku anu mompahakona, panyo aha ola nongkabisa'i aku. To ima-imam ka' polaya' nu bansa iwi-iwi' sinilakamo i sinin na jala-jalan nu kota'. Tempo'nyo molio anu okaan, monsawan butong da madi silaka.

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’