OBAJA 1:3 - KITAB NU TUMPU ALLA LELE MA'IMAI'

³ Beleyum ingakalanmo nu kinyonyoa nu beleyum anu sombo-sombong atina'. Puso nu kota' nu beleyum atina' te bungkutnyo nu batu anu maharon; kajojoongan nu beleyum aita mae ibawo nu bongkutnyo anu matangkas. Kalana aijo' belemiu binapikinmo, Ihe na moko ala mompatundu' Aku?

OBAJA 1:3 ပူးပေါင်းရင်းမြစ်များ

KAJADIAN 36:8

Sahingga i Esau anu osanggohi suele i Edom, tinataapmo i da'erah bungkutnyo nu Seir.

2 TOMU-TOMUNDO' 14:7

Daagi' kino minsan nahampate, i Amazia nompateimo suludadu nu Edom aha 10.000 na mian i Bangka'nyo nu Asin, ka' nompatundu'mo kota Sela. Kota' aijo' sinanggohannyo Yokteal. Sampe tempo' uuka aiya kota' aijo' daagi' osanggohi Yokteal.

2 TAWARIKH 25:11

I Amazia binaanimo ka' binoanyomo na suludadunyo i Bangka' nyo nu Asin. I kiijo' mae aha nahampatemo ka' nompateimo aha 10.000 na suludadu nu Edom.

2 TAWARIKH 25:12

Daagi' sangga'at aha 10.000 na mian i hakopmo ka' binoa. Aha binoamo aita' i bawo nu bungkutnyo nu batu i kota' Sela lantas pinaha tumbalakonmo nokaijong sahingga sinilakamo.

AYUB 20:6

Maumo ia talasanggo toka-tokamo aita' i langa, na kotangkasnyo, sahingga ubaknyo montokamo kundom,

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

AMSAL 18:12

Mian anu takabun saidi mae madi'mo ohalagai, mian anu madi'buulon oholomati.

AMSAL 29:23

Mian anu takabun saidi mae madi'mo o'adati mian anu madi' takabun saidi mae o puji'mo.

YESAYA 16:6

Bansa Yehuda notataemo, “Ihongomo mami na katabuulan nu bansa Moab. Osumbu' mami na aha talalo ahi' montige-tige ka' mule' talalo buulon. Potatae nu aha ola saja' molabi-labi padahan madi' kokaliangannyo.”

YEREMIA 21:13

Lapas aijo' Tumpu notataemo hi Yerusalem, “O Yerusalem! Tampat nu beleyum lebe matangkas molingkudui bangka'nyo-bangka'nyo anu atina' mompaha ohani beleyum. Beleyum sumomo ahi' puge'nyo nu batu anu matunjo ipadang tampat anu mahata, panyo Ku ewamo na beleyum. Beleyum notataemo kooyum madi' ko samian pe'e na anu moko ala montumbuhi beleyum kabai mohobo'akon benteng-benteng nu belemiu,

YEREMIA 37:9

Aku, Tumpu, mompokinde'i belemiu, da boli mongakali posi butong nu belemiu kalana balapikinmo au' aitu aha mian nu Babel nambamo ka' madi'mo daagi' po ule' minsusule' mae. Kalana memang aha tionyo ahi' minsusule' mae.

YEREMIA 48:28

Belemiu anu jojoong i Moab, pala'imo na kota' nu belemiu iwi-iwi' ka' jojoongmo ipuge'nyo nu batu susumo tomonsi' malapati' anu mombaumo petanyo itungebe nu keles.

YEREMIA 49:16

Buulon nu beleyum ati-atina na nongakalimo beleyum. Madi'mo ko anu mongkabuhuk beleyum susumo sangka'an nu beleyum. Beleyum jinojoongmo i olo-olot nu batu, majo'on aita' mae ibawo nu bungkutnyo. Panyo maumo ahi' nu bau na laigan nu beleyum itampat anu matangkas hondo, sumo kotangkasnyo nu peta nu bonyia', nu tau'akonmo ahi' nu Tumpu lengkat mae atina'. Tumpu na nontaloakonmo iwi-iwi' aijo'.”

YEREMIA 49:4

O, belemiu anu madi' tulu-tulutan! Kadaka' belemiu nontakabunakonmo bangka'nyo haha atina' nu belemiu anu toto lumba-lumba'? Apaa na sababnyo belemiu nontaha'imanimo kakaya'an nu belemiu? Iya na jadi na belemiu montaloakon, au' aitu madi' ko samian anu baani montumbuhi belemiu?

YEHEZKIEL 28:16

Beleyum talalo tasiaga badagang ka' aijo'mo na nonsaduakon beleyum da binuhingison ka' binaladosa'mo. Sahingga Ku laa'mo na beleyum da bolimo jojoong atina' ibungkutnyo anu susi' anu Aku na tumpunyo ka' malaekat anu monjagai beleyum molaa'mo beleyum da madi'mo jojoong atina' itotonga' nu palamata anu lonyingkaban hondo atina'.

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”