OBAJA 1:18 - KITAB NU TUMPU ALLA LELE MA'IMAI'

¹⁸ Mian-Ku Israel anu pinalesayamo saidi' mae sumomo apu anu montoyo'i ingko-ingkot na lee' i Esau susumo apu montoyo'imo ingko-ingkot na hat i ale'. Madi' ko samiannyo pe'e na lee' i Esau na madi' nu kona, Aku Tumpu na notataemo!

OBAJA 1:18 ပူးပေါင်းရင်းမြစ်များ

2 SAMUEL 19:20

Aku sininsumbu'mo taalu' aku nombaumo dosa', jadi kalana aijo' to tulu-tulunan nu bansa anu jojoong i da'erah utara akumo na anu momona tinoka mae nolabot belento Tomundo' sinaa aiya.”

NOSABATMO 5:12

Sahingga nambamo na mian nu Israel nonsongkohi songko-songko na tano' nu Mesir mompolimu' haat.

YESAYA 10:17

Tumpu anu susi', Jingka nu aha Israel, timbalimo susumo moak nu apu anu ola i uno nu sansinaa timbalimo montanggoti iwi-iwi na apaa ka' mule' iwi-iwi na kuhat anu kohii'nyo.

YESAYA 31:9

Tomundo' nu aha mopalaimo kalana mabuhukmo ka' to sulu-suludadunyo anu toto tangka-tangkas na pangkatnyo tolokengkengmo sahingga nu pala'imo nu aha na bandela'nu aha iwi-iwi'.” Tumpu notataemo, Tumpu anu osombah ka' mule' anu oholomati nu koloban anu opotunu i Yerusalem.

YESAYA 47:14

Soba toa, aha sumomo ahi' hat anu nu kaanmo nu apu; madi' ahi' nu poko ala nu aha na mosi posalamat butong nu aha! Moak nu apu aijo' talalo ahi' mapanas na nu oa'i nu aha, misa' panas nu apu anu bau pinjohuan.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YESAYA 9:18

Tumpu Anu Daka' na Kuasanyo talalomo hondo notambuha' ka' hukuman anu Nu nabu'akon sumomo apu anu kino ilos-ilosmo ka' bansa aijo', aijo'mo na anu nu nu toyo'imo. Madi'mo daagi' kosamian na anu mongkalibosi utusnyo.

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YEREMIA 11:23

Aku nontantukanmo tempo'nyo bau pompotokan mae balaa' hi aha mian nu Anatot, ka' de tempo'nyomo nu hukuman anu onabu'akon hi aha aijo' tokamo, madi' daagi' ko samian na anu madi' nu kona nu balaa'.”

YEHEZKIEL 37:16

“O manusia anu madi' tumuu' batu, ala na tokon sa'angu' ka' potulis na potatae aiya sasu aita' mae, ‘Kalaja'an nu Yehuda'’. Lantas ala mule' na tokon sangga'at, ka' potulis sasu aita' mae ‘Kalaja'an nu Israel’.

YEHEZKIEL 37:19

poto'i hi aha, taalu' Aku, Tumpu Anu Matangkas na Kuasanyo mongalamo tokon anu molambangakon Israel ka' mompogalumo hi tokon anu molambangakon Yehuda. Ohu-ohua' na tokon aijo' Ku posa'angu'mo ka' Ku toongimo nu limang-Ku.

YOËL 2:5

Aha mahalumpatan aita' i bungkutnyo onyi'nyo sumomo daladak nu kareta pahampate ka' sumomo titihika' nu apu anu nomea'mo hondo. Aha nobalismo susumo sa'angu' na tumpukan nu suludadu anu baani hondo, anu sasadiamo mongahopi pahampatean.

AMOS 1:8

Mian anu jojoong ka' mongkuasai kota' Asdod ka' Askelon Ku alinimo. Kota' Ekron Ku hukumo ka' iwi-iwi' na tuha'nyo nu mian Filistin Ku hopu'imo.”

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

AMOS 6:6

Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

OBAJA 1:16

Aita mae ibungkutnyo anu Aku na tumpunyo anu susi' mian-Ku anu pinalesayamo nonginumo inumon da bau ponsumbu'an hukumannyo. Panyo inumon anu obee' hi to bansa-bansa i dunia aiya lebe mapakat mule'. Hukuman aijo' madi'mo nu poko ala nu aha ogoliliakon da tionyo ahi' nu inumo nu aha sampe mingkot, lapas aijo' aha silakamo madi'mo ko anu otoa-toa.”

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

1 KORINTUS 3:12

Daagi' ko anu nompotinjomo i bawo nu mesen aijo' mompake mosoni', daagi' ko anu nompakemo salaka, daagi' ko anu nompakemo batu mainan, daagi' mule' ko anu nompake kau', hemput manggas kabai haat.