OBAJA 1:16 - KITAB NU TUMPU ALLA LELE MA'IMAI'

¹⁶ Aita mae ibungkutnyo anu Aku na tumpunyo anu susi' mian-Ku anu pinalesayamo nonginumo inumon da bau ponsumbu'an hukumannyo. Panyo inumon anu obee' hi to bansa-bansa i dunia aiya lebe mapakat mule'. Hukuman aijo' madi'mo nu poko ala nu aha ogoliliakon da tionyo ahi' nu inumo nu aha sampe mingkot, lapas aijo' aha silakamo madi'mo ko anu otoa-toa.”

OBAJA 1:16 ပူးပေါင်းရင်းမြစ်များ

YESAYA 42:14

Tumpu notatae, “Pininmo hondo na Aku madi'mo notatae; Aku nomohokotmo ka' sinabaanmo. Uuka aiya tinokamo na tempo'nyo da mombaumo apa-apaa, Aku moloboo'mo susumo boune anu mompohampemo anak.

YEREMIA 49:12

Mian anu madi' pantas ohukum kinonamo ahi' suele nu hukuman, kadaka' belemiu na madi'? Tantu belemiu tionyo ahi' ohukum!

MOHAANGI 4:21

Komiu bansa Edom ka' Us, kojoomo mae, lame'mo mae, salama daagi' moko ala! Balaa' tokaje mae suele hi belemiu ka' kalana malangu butong nu beleyum oposi langgo'imo.

YOËL 3:17

“O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

HABAKUK 1:9

Suludadu nu aha montumbuhimo da mombaumo palabuatan anu ma'idek. Iwi-iwi' na mian nu lakatmo na montoa aha aijo' tinokamo mae. Anu ihakopmo nu aha madi'mo opokolekeng na ko daisannyo.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?