OBAJA 1:12 - KITAB NU TUMPU ALLA LELE MA'IMAI'

¹² Madi' pantas na beleyum ola sanang na montoa nasib anu sinoe'mo hi aha mian nu Yehuda ka' ola mule' lame' de tokamo isinaanyo utus nu beleyum aijo' osilakaimo. Madi pantas na beleyum manjoo' na potatae de ia susa'mo.

OBAJA 1:12 ပူးပေါင်းရင်းမြစ်များ

AYUB 18:20

Nohongo uki'nyo anu sinumo aijo'mo mian anu jojoong i sasu kinsoban tinolokengkengmo, ka' mian anu jojoong i sasu kabete'an i lakatnyomo kalana nabuhukmo.

AYUB 31:29

Ma'isa toho' ola sanang na kinyonyoangku de mian anu madi' ma'ima' hi belengku mohumpakmo kasansala'an kabai ola aku lame' kalana ia mohumpakmo balaa'.

MAZMUR 22:17

Aku tinikumo nu gombuan nu mian anu ma'idek na kinyonyoanyo; susumo ahi' gombuan nu dedeng na aha mohuntumo mae aku, nompahansusukakonmo mae limangku ka' tengkengku.

MAZMUR 31:18

Boli opojohok mae na aku mohumpak ambang, o Tumpu, kalana aku nongkakasemo hi Belento. Pojohok na mian anu ma'idek na palabuatannyo opopo ambang, ka' hoko-hokot aha mintatau'mo idunia nu mian anu sinilakamo.

MAZMUR 35:15

Panyo tempo'nyo aku sinusa'mo, aha sinanangmo ka' sinihukmo mae mongewa mae aku. Aha ilumajang naha ejokanmo mompoponyihing ka' mompobau-bau mae aku.

MAZMUR 37:13

Panyo nu kokojoi nu Tumpu na mian anu palabuatannyo ma'idek, kalana Nu sumbu' na ka ahenannyo nu mian aijo' maliamo mae toka.

MAZMUR 54:7

Ia na mohukumo anu monsampobali' mae aku; nu posi palabuatan nu aha ma'i-ma'idek aijo'mo na mohukum aha, ka' mompatei aha kalana Ia manonong mae ahi' hi belengku.

MAZMUR 59:10

Belentomo na timbali bau kahosonanku, olamo Belento na anu ku taha'imani, Belentomo na tampat popalaianku o, Tumpu.

MAZMUR 92:11

Pinohosonmo nu Belento na aku susumo sapi' anu ma'ela', ka' nombalakatimo mae aku, da nohumpakmo kantumuu'an ma'ima'.

AMSAL 17:5

Ihe an mongkokojoi mian anu talalo kasiasi; mongalu Tumpu anu nompotimbali ia. Ihe na ola bilahi montoa kasusa'an nu mian, tionyo mohumpak hukuman.

YESAYA 37:24

Beleyum nonsaimo tomia-mian da motatae molabi-labi tukoonyo nu aha kalana manjoo' na kareta anu bau pahampate nu beleyum, sahingga noko alamo nompatundu' iwi-iwi na bungkutnyo anu toto tangka-tangkas i Libanon.

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

MOHAANGI 4:21

Komiu bansa Edom ka' Us, kojoomo mae, lame'mo mae, salama daagi' moko ala! Balaa' tokaje mae suele hi belemiu ka' kalana malangu butong nu beleyum oposi langgo'imo.

YEHEZKIEL 35:12

Sahingga nu sumbu'je nu belemiu taalu' Akumo ahi' na Tumpu anu nohongomo belemiu nongalu tempo'nyo belemiu notatae: Iwi-iwi na bungkutnyo nu Israel iliingmo hondo ka' binee'mo da baumo kaanonto.

YEHEZKIEL 35:15

pokakanamo susumo belemiu sinanangmo tempo'nyo nontoamo Israel anu Aku na tumpunyo iliingmo hondo. Iwi-iwi na bungkutnyo nu Seir ka' mule' songko-songko na tano' nu Edom timbalimo liing hondo. Sahingga nu sumbu'je nu mian iwi-iwi' taalu' Akumo ahi' na Tumpu.’ ”

MIKHA 4:11

Manjoo' na bansa anu nosa'angu'mo kahanda'mo mompahampateakon belemiu o, Yerusalem! Aha notatae, “Yerusalem tionyo ahi' ohansunimo! Tionyo ahi' otoa mami na kota' aijo' hansun!”

LUKAS 19:41

Salatan i Yesus malia'mo ohani i Yerusalem, ka' nontoa kota aijo', Ia nohangimo.

YAKOBUS 3:5

Sumo aitu mule' na jila'to; mau mule' jila' aijo' ise', panyo ia timbali mombau butong buulon mongkona hahan anu toto daka-daka'. Sobatutugi na alas palias na kodaka'nyo timbali mopapu nu apu anu ise' hondo!

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

ANU PINOTO'I HI YOHANES 13:5

Binatang aijo' pinobee'mo na montaeakon to hahan anu talalo molabi ka' mompopo'ise' Tumpu. Ia timbali mompalentah patompulu' ka' ohua' na bitu'on na kopinnyo.

1 SAMUEL 2:3

Bolimo lewa' motatae anu madi' kokaliangannyo! Bolimo lewa' motatae anu madi' ko patunyo! Kalana Tumpu, aijo'mo Tumpu Allah anu monsumbu' hondo iwi-iwi'; anu momputusi iwi-iwi' apaa na anu nu bau nu mian.