OBAJA 1:10 - KITAB NU TUMPU ALLA LELE MA'IMAI'

¹⁰ “Beleyum talalomo binuhingi son hi to utu-utus nu beleyum lee' i Yakub. Kalana aijo' beleyum opateimo ka' nu alumo nu mian toka sidu-sidutu'.

OBAJA 1:10 ပူးပေါင်းရင်းမြစ်များ

KAJADIAN 27:11

Panyo i Yakub notatae hi tinayo, “O tinangku, te misa' butong i Esau ko bulunyo, panyo butongku madi'an?

KAJADIAN 27:41

Sahingga i Esau nongka'idekimo i Yakub, kalana Tuumanyo nombee'mo balakat hi utusnyo ise' aijo'. Ia binapikin, “Madi'mo daagi' pin tuumanyo silakamo, ka' lapas na kami moliwangi, i Yakub ku pateimo!”

MAZMUR 109:29

Bakas da to mia-mian anu montutuk mae aku mohumpak anu moko ambang, ka' han anu moko ambang aijo' monsaingkukubi aha susumo juba'.

MAZMUR 132:18

Kalaja'annyo saja'mo mohumpak ka'ima'an, panyo iwi-iwi' na mian anu monsapobali' aha opopoambangmo.”

MAZMUR 137:7

O, Tumpu, o'inau' apaa na anu binaumo nu mian Edom tempo'nyo Yerusalem i hopu'anmo. Tinaloakonmo nu aha, “Hobo'akonmo, hobo'akonmo toka-toka i pinaningkokoannyo!”

MAZMUR 69:7

Boli opojohok na aku dumo ola monsaduakon ma ambang na to mia-mian anu montaha'imani Belento, o, Tumpu, Tumpu Anu Daka na Kuasa-Nyo. Boli opojohok na aku dumo monsaduakon ola lewa' o alu ka' mule' opobau-bau na to mia-mian anu monsombah Belento, o, Tumpu Israel!

MAZMUR 89:45

Kakuasa'annyo anu tinalasanggomo hondo pinobelentimo nu Belento, kadelanyo nu kalaja'an ingalinmo nu Belento nokaiyong i tano'.

AMSAL 10:6

Mian anu manonong mohumpak balakat. Panyo palabuatan nu mian anu taha-tahahumo hi mian kiijo' sulu-sulu' ipotatae nu mian anu ma'idek na kinyonyoanyo.

AMSAL 17:5

Ihe an mongkokojoi mian anu talalo kasiasi; mongalu Tumpu anu nompotimbali ia. Ihe na ola bilahi montoa kasusa'an nu mian, tionyo mohumpak hukuman.

YEREMIA 12:14

Tumpu notatae, “Uuka na potuunon-Ku mongkona negara-negara anu mompaha ohani Israel anu nongideimo lipu' anu binee'-Kumo hi mian anu palesayamo hi belengku aha Israel. Susumo sosu'anon anu ginautakonmo itano' sumo aijo'mo na aha mian anu palabuatannyo ma'idek Ku sabatakonmo da madi'mo jojoong ilipu' nu aha, ka' Yehuda Ku lapasakonmo da madi'mo nu kuasai nu aha.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 49:13

Aku basumpa' atas sanggong-Ku saba' kota' Bozra timbalimo ahi' tampat anu okabuhuk hondo anu pinala'ianmo nu mian. Mian saidi' mae mongkokojoimo ia ka' mompakemo sanggonyo lewa' bau pontotobi'akon. Iwi-iwi' na kampung anu toto ise-ise' kiijo' idaerahnyo singkapmo ma'idek sampe toka sidu-sidutu'. Aku, Tumpu, notataemo.”

YEREMIA 51:51

Belemiu notatae, ‘Kami lewa'mo ingalu ka' lewa'mo pinopo ambang; kami madi'mo pinalesaya kalana aha mian anu isalipu'an nonjojoongimo salipi'-salipi'nyo anu susi' anu kiijo' i uno nu Laigan nu Tumpu.’

MOHAANGI 4:21

Komiu bansa Edom ka' Us, kojoomo mae, lame'mo mae, salama daagi' moko ala! Balaa' tokaje mae suele hi belemiu ka' kalana malangu butong nu beleyum oposi langgo'imo.

MOHAANGI 4:22

Sion nonta'upmo hukumannyo kalana iwi-iwi na dosa' anu binaumo nu aha; uuka aiya kami madi' ola nupojohok nu Tumpu ka' madi'mo daagi' oboa mamba i tampat pompojoongan. Panyo beleyum, o Edom, nuhukumje nu Tumpu. Iwi-iwi' na dosa' nu beleyum oponyata'mo.

YEHEZKIEL 35:9

Lipu' nu belemiu Ku pojadimo tampat padang anu ewa sampe toka sidu-sidutu', ka' iwi-iwi na kota' nu beleyum madi'mo daagi' nu jojoongi nu mian. Sahingga nu sumbu'je nu belemiu taalu' Akumo ahi' na Tumpu.

YEHEZKIEL 7:18

Aha mompusokmo hude kalung ka' songko-songko nu aha langkakatanmo. Ubak nu aha singkapmo okiismo ka' mule' aha opopo ambangmo.

YOËL 3:19

Mesir timbalimo padang anu ewa hondo ka' mategesmo, ka' mule' Edom timbalimo tano' anu kuunmo madi'mo nu jojoongi nu mian. Kalana aha nontumbuhimo mian nu Yehuda, ka' nompateimo tumpu nu lipu' anu madi' kosala'nyo.

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

PO'ULE' INGULIT 23:7

Boli monte aha mian nu Edom madi' talakana' kalana aha aijo' utus nu belemiu. Boli suele montee mian nu Mesir madi talakana' kalana belemiu toho'mo jinojoong i lipu' nu aha.

PO'ULE' INGULIT 23:8

Lengkat pe'e i lee' nu aha lapisannyo anu ko totolu'nyo ka' sampe toka sidu-sidutu' na lee' nu aha timbali minsoop mian anu pinalesayamo hi Tumpu.”