NYANYIAN ANU TALASANGGO 8:8 - KITAB NU TUMPU ALLA LELE MA'IMAI'

⁸ Kami daagi ko samian na boune utus ise', anu daagi ise' na susunyo, Apaa na anu obau mami hi ia, de ko samian anu tokamo mae monduta ia?

NYANYIAN ANU TALASANGGO 8:8 ပူးပေါင်းရင်းမြစ်များ

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 10:1

I Kaisarea daagi' ko samian na mo'ane sanggonyo i Kornelius. Ia samian na kapiteng nu “Tompukan nu Suludadu nu Italia.”

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

LUKAS 19:44

Nugalisi nu aha na beleyum tiba tumpu nu lipu'um; ka' madi' ko sambatu pe'e na batu nu pojohok nu aha tasusun i tampatnyo, kalana beleyum madi'mo mompalahatikan pa' hi pian na Tumpu toka mae momposalamat beleyum!”

YEHEZKIEL 23:33

Sasangkin nu utus tu'a nu beleyum i Samaria, isinyo kabuhukan tiba kahansunan. De nu inumo nu beleyum iwi-iwi' na isinyo beleyum malangumo ka' mongoa'imo kasansala'an. Ka' poso'nyo nu sasangkin ai-aijo' na bau ponsiha-sihang nu beleyum saha'an nu beleyum. Aku, Tumpu Anu Matangkas na Kuasanyo notataemo.”

YEHEZKIEL 16:61

Beleyum saidi' mae tonginau'mo i palabuatan-palabuatan nu beleyum ka' ma ambangmo de to utu-utus nu beleyum Ku sule'akonmo mae hi beleyum. Aha saidi' mae' Ku pojadimo susumo to ana-anak nu beleyum, maumo ahi' han aijo' madi' ninsoop i uno nu palajanjian-Ku tiba beleyum.

YEHEZKIEL 16:46

Utus tu'a nu beleyum atina'mo Samaria isasu utara tibamo kampungnyo anu toto ise-ise'. Ka' utus ise nu beleyum atina'mo Sodom isasu salatan tibamo kampungnyo anu toto ise-ise'.

YEHEZKIEL 16:7

Ingalang-Ku na uee ka' binaso'an-Ku na baso' anu atina hi butong nu beleyum. Sinautan-Ku nu lanya' nu zaitun na kilit nu beleyum. Pinodaka'-Kumo na beleyum susumo sosu'anon anu molumba'. Malia' hondo na beleyum nodensu' ka' mule' mahoson ka' dinaka'mo, ka' ilumangkoyangmo. Susu nu beleyum montampu'unimo nodensu' ka' mule' ubak nu beleyum nantanmo, panyo beleyum langgo-langgo'. Tempo'nyo Aku po ule' notulu tinoang-Ku na beleyum tempo'nyomo na bakusinta. Pinosabut-Kumo na juba'-Ku hi butong nu beleyum anu langgo-langgo' atina' ka' Aku nojanji'mo Ku sintamo na beleyum. Ka' mule' jinanji'-Kumo da monika'imo beleyum, ka' beleyum Akumo na tumpunyo. Aku, Tumpu Anu Matangkas na Kuasanyo notataemo.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

NYANYIAN ANU TALASANGGO 8:10

Aku aiya sumomo sa'angu' na pagan mesen, ka' susungku na baumo menaranyo, Sindua'anku nonsumbu'mo saba' hi iamo na aku mohumpak kabilahian.

NYANYIAN ANU TALASANGGO 7:3

Susu nu beleyum mimbalu-balu' ohua' na anak nu jonga, ka' mule' sumo kijang anu hapi'.

NYANYIAN ANU TALASANGGO 4:5

Susu nu beleyum sumomo ohua' na anak nu jonga, anak nu kijang, anu hapi'. Anu hau-haunyo mongotot hemput i olot nu bunga-bunga bakung.

NYANYIAN ANU TALASANGGO 8:9

De bisuanyo ia sa'angu' na pagan mesen, kami mompotinjomo menara salaka aita i buannyo. De bisuanyo ia sa'angu' na sabatan daka' kau'mo lontio' na bau ponsupati mami.