NYANYIAN ANU TALASANGGO 8:1 - KITAB NU TUMPU ALLA LELE MA'IMAI'

¹ O, de ugaat beleyum utus omput nu pusongku, anu toho' nonsusu hi tinangku, beleyum tantu ku ookimo de singkabot i jalan, madi' ko anu mongalu aku.

NYANYIAN ANU TALASANGGO 8:1 ပူးပေါင်းရင်းမြစ်များ

GALATIA 4:26

Panyo Yerusalem anu i suluga', aijo'mo Yerusalem anu bebas, ka' iamo na nene'to.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

LUKAS 2:38

Pas tempo' aitu mule' ia tinokamo, lantas nompuji'mo Tumpu Allah, ka' nonsisik Anak aijo' kona hi iwi-iwi' na mian anu montanda'i tempo'nyo Tumpu mompobebas Yerusalem.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

YOHANES 16:28

Memang Aku nolengkat mae hi Tuuma, ka' tinokamo i uno nu dunia. Panyo uuka Ku pala'imo na dunia minsusule'mo hi Tuuma.”

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

LUKAS 18:9

I Yesus nonsisikakon suele kantuangan aiya anu pinatuakon hi mian anu montoa mian sangga'at madi' talakana', panyo mangaku posi butongnyo ma'ima'.

LUKAS 12:8

“O inau' ma'i-ma'ima': Mian anu mongakui i ahop nu mian da'isan tukoonyo ia anu saja' mombatuki Aku, ia o akui suele nu Anak nu Mian i ahop nu to mala-malaikat nu Tumpu.

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

LUKAS 9:26

De mian ma'ambang mongakui Aku tiba pangajalan-Ku, Anak nu Mian suele ma'ambang na mongakui mian aijo', de Ia po'ule'mo toka tiba kuasa-Nyo, ka' tiba kuasa nu Tumpu hingga-hinggat kuasa nu to mala-malaikat anu susi'!

NYANYIAN ANU TALASANGGO 1:2

Ooki mae na aku nu biwi nu beleyum. Sindua'an nu beleyum lebe ma'ima' nu lingkudui na anggur!

MAZMUR 51:17

O Tumpu tulungiakon mae na aku motatae, sahingga aku mompuji-puji'mo Belento.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

NYANYIAN ANU TALASANGGO 7:13

Kau' ara taalo hondo manohong na nohongnyo, koko sabatan nu laiganto daagi ko bua' nu kau' anu matami', anu pininmo tinipu ka' anu salaje'; aijo' ku po una' da bau bagi nu beleyum, sindua'anku.

NYANYIAN ANU TALASANGGO 8:2

Beleyum ku boamo i laigan nu tinangku, da beleyum mompogulu' mae aku, Beleyum ku po inumimo anggur anu ma'ima' hondo, tiba ueenyo nu bua' nu dalima.