NYANYIAN ANU TALASANGGO 7:4 - KITAB NU TUMPU ALLA LELE MA'IMAI'

⁴ Gogohong nu beleyum sumomo manara gading, mata nu beleyum mimbalu-balu' kolam anu kiijo' i Hesybon, koko sabatan daka' Batrabim. Sung nu beleyum sumomo menara anu kiijo' i Bungkutnyo nu Libanon, anu mongahopi kota' Damsyik.

NYANYIAN ANU TALASANGGO 7:4 ပူးပေါင်းရင်းမြစ်များ

KAJADIAN 15:2

Panyo notatae na i Abram, “Tumpu Anu Matangkas hondo na kuasanyo, Tumpu madi' mae mombee'i anak aku. Mian anu mongala halata'ku olamo i Eliezer, posaihonku anu lengkat mae i Damsyik. Jadi apaamo na ma'ananyo Tumpu mombee'i mae aku tambo?”

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

1 TOMU-TOMUNDO' 10:18

Ia mule' nombaumo sa'angu' na kadela bau kasuhangan nu tomundo' i lapisan nu sae nu gaja ka' binunga-bungan nu mosoni' anu madi' ko galo'nyo.

1 TOMU-TOMUNDO' 10:22

I Salomo ko kapan anu toto daka-daka' anu talabut hingga-hinggat tiba to kapa-kapan nu Tomundo' Hiram. Totolu' na taun ola minsan nakapan haha aijo' minsusule' mae momboa mae mosoni', sae nu gaja, balan ka' tomonsi' merak.

1 TOMU-TOMUNDO' 22:39

Sisikon sangga'at mongkona i Tomundo' Ahab, ka' mule' mongkona istana gading, ka' iwi-iwi' na kota anu binaunyomo, tinulismo i kitab Sisikon nu to Tomu-tomundo' Israel.

1 TOMU-TOMUNDO' 7:2

I laigan nu tomundo' aijo' binauan mule' i Salomo sa'angu' na laigan anu ewa hondo anu osa-osanggohi, “Laigan Alas nu Libanon”. Kodaka'nyo: 44 meten, na komantannyo ka' ko bolanyo 22 meten, ka' ko tangkasnyo 13,5 meten. Laigan aijo' totolu' na ohi'nyo pinojiji' te kau' lontio' nu Libanon na binau; toto sanjiji' sampulu' ka' olima' na ohi'nyo ka' aita' i buannyo kinaso'an nu kau' lontio' Libanon. Palaponnyo suele kau' aijo' na binau, ka' pinaha pokona da kaso'nyo aijo' boli kantoan.

1 TOMU-TOMUNDO' 9:19

to kota-kota' anu ponguna'an posadiaon anu okaan ka' mule' to kota-kota' ponguna'an kareta iwi-iwi' anu opake mahampate, ka' mule' ajahanyo iwi-iwi'. Iwi-iwi' na kinahanda'anyo obau i Yerusalem, i Libanon, ka' songko-songko na da'erah kakuasa'annyo noko baunyomo.

2 TAWARIKH 8:6

Ka' suele kota' Baalat po'ule'mo binau ka' iwi-iwi' na kota' anu bau pompo'una'an anu o kaan, ka' mule' iwi-iwi' na kota bau pompo'una'an kareta ka' ajahan anu mohela', anu opake mahampate. Iwi-iwi' na anu pinopikilakonnyomo obau i Yerusalem, Libanon ka' songko-songko na da'erah kakuasa'annyo binaunyomo.

MAZMUR 144:12

O'amalakon da to ana-anakto mo'ane de daagi' olitau sumomo sosu'anon anu ko daka-daka'nyomo. O'amalakon da to ana-anakto boune sumomo ahi' ohi anu handa, anu bau pombunga-bungai pasu'nyo i laigan nu tomundo'.

MAZMUR 45:8

Beleyum mongka'ima'i anu totu'u ka' mongka'ideki anu ma'idek; mokonyo aijo', Tumpu, Tumpu nu beleyum nompile'imo beleyum, ka' nompo ima'mo kantumuu'an nu beleyum ka' nolingkuduimo to tomu-tomundo' sangga'at.

NYANYIAN ANU TALASANGGO 1:10

Gagising nu beleyum ma'ima' hondo atina' i olot nu palahiasan, gogohong nu beleyum pinohandamo nu lante anu ko mainannyo.

NYANYIAN ANU TALASANGGO 4:1

Beleyum handa hondo ku ka'ima'i, totu-totu'u beleyum handa hondo o sintaku, Mata nu beleyum isambiha' nu hude pinongkukumbungi sumomo malapati', Ubak nu beleyum hambahannyo sumomo mee' sanggombu anu nintatau'mo mae lengkat i bungkutnyo nu Gilead.

NYANYIAN ANU TALASANGGO 4:4

Gogohong nu beleyum mimbalu-balu' laigan tangka-tangkas anu binau i Daud bau pontanggalakonan mian ka' ponguna'an sanjata. Olo' nu beleyum sumomo samadala na kanta, ka' amangkun toongon nu to sulu-suludadu iwi-iwi'.

NYANYIAN ANU TALASANGGO 4:5

Susu nu beleyum sumomo ohua' na anak nu jonga, anak nu kijang, anu hapi'. Anu hau-haunyo mongotot hemput i olot nu bunga-bunga bakung.

NYANYIAN ANU TALASANGGO 6:5

Posiloian na ohup nu beleyum, boli montonto'i mae aku, kalana pontonto'i mae nu beleyum mompobingong aku. Bulu nu ubak nu beleyum sumomo sanggombu na mee' anu nintuamo mae lengkat i bungkutnyo nu Gilead.

YESAYA 54:4

Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

IBRANI 5:14

Kaanon anu mokuut aijo' bau bagi nu mian anu motu'amo, anu kalana ko'anumo nu sumbu-sumbu', timbalimo monggihanakon iya na anu ma'ima' tiba iya na anu ma'idek.