NYANYIAN ANU TALASANGGO 7:13 - KITAB NU TUMPU ALLA LELE MA'IMAI'

¹³ Kau' ara taalo hondo manohong na nohongnyo, koko sabatan nu laiganto daagi ko bua' nu kau' anu matami', anu pininmo tinipu ka' anu salaje'; aijo' ku po una' da bau bagi nu beleyum, sindua'anku.

NYANYIAN ANU TALASANGGO 7:13 ပူးပေါင်းရင်းမြစ်များ

KAJADIAN 30:14

Tempo'nyo pinompadakanmo gandum, i Ruben nambamo i padang bola, ka' i humpaknyo kiijo' mae sangahan na bombong bau pakuli', lantas binonnyomo hi Lea tinanyo. I Rahel notataemo hi Lea, “Bee'i mae na aku ise-ise' bombong atina' da bau pakuli' anu i humpak nu anak nu beleyum aijo'.”

NYANYIAN ANU TALASANGGO 2:3

Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

NYANYIAN ANU TALASANGGO 4:13

Ikiijo' mae tinumuu'mo na to kau-kau' dalima, ka' bua'nyo anu toto tami-tami' hondo. Bunga pacar tiba narwastu.

NYANYIAN ANU TALASANGGO 4:16

Pobulamo o mombun nu utara, tokamo mae o mombun nu salatan! Tobuungmo mae toka i ale'ku; da nohongnyo simpogahanmo. Ku taha'imani da sindua'anku toka i ale'nyo, ka' mongkaan bua'nyo anu toto tami-tami'.

NYANYIAN ANU TALASANGGO 6:11

Aku nambamo i ale' nu kanali', montoa bunga-bunga i bangka'nyo. Ugaat anggur daagimo ko buha'nyomo ka' mule' kau' dalima nimbungamo.

NYANYIAN ANU TALASANGGO 8:1

O, de ugaat beleyum utus omput nu pusongku, anu toho' nonsusu hi tinangku, beleyum tantu ku ookimo de singkabot i jalan, madi' ko anu mongalu aku.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.