NYANYIAN ANU TALASANGGO 5:7 - KITAB NU TUMPU ALLA LELE MA'IMAI'

⁷ Aku siningkabotanmo nu anu monjagai kota'; binobotanmo mae nu aha ka' nombelaimo mae aku, salendang ku pinakisamo ingala nu aha.

NYANYIAN ANU TALASANGGO 5:7 ပူးပေါင်းရင်းမြစ်များ

MAZMUR 141:5

De mian anu manonong mompokinde'i mae aku, ka' madi' tageo' na kinyonyoa mondoke mae aku, aijo' sumomo lanya' anu talalo hondo ma'ima' hi belengku. O'amalakon da aku montalima ahi', kalana aku saja' balado'a madi' montalima aha. Palabuatan ma'idek nu aha.

NYANYIAN ANU TALASANGGO 3:3

Aku siningkabotan nu anu moronda kota' ka' pinokilawangkumo; “Pa' belemiu nontoa anu ku una' ikinyonyoangku?”

NYANYIAN ANU TALASANGGO 5:6

Tinuhea'akon-kumo na tumban da minsoop mae sindua'anku, panyo ia nobalikmo ka'nambamo. Talalo hondo ku indi na potataenyo; iliongku na ia panyo madi' kino hasinnyo. I lagangku na sanggonyo; panyo ia madi' mae nontaami.

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.

NYANYIAN ANU TALASANGGO 8:11

I Salomo ko ale' nu anggur kiijo' i Baal-Homon; ale aijo' binee'nyomo hi anu lewa' nonjagai. Toto samian mombayan samadala na takeannyo nu doi salaka salaku bau hasinnyo,

YESAYA 3:23

baju moni-monipis nu aha, baju' lenan nu aha, salendang igogohong nu aha, tiba kukumbung manta-mantan nu aha.

YESAYA 62:6

Ipagan mesen nu Yerusalem ku pojoong na anu monjagai, sinaa tiba pihi aha madi' ola momohokot, panyo tionyo ahi' saja' mompoingat Tumpu, te palajanjian anu binau-Nyomo.

HOSEA 6:5

Aijo' na sababnyo sinaing-Kumo na to nabi-nabing-Ku da mompotoka hi belemiu kaputusan-Ku, saba' belemiu tionyo ahi' o hukumo ka' osilakaimo. Anu Ku kahanda'i hi belemiu natantumo ka' naningkoyamo.

MATIUS 23:2

“To gulu-gulu' agama ka' to mia-mian Farisi nohumpak kuasa da montalangkan atulan i Musa.

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

2 KORINTUS 11:13

To mia-mian anu sumo aijo', aijo'mo na to rasul-rasul anu madi' totu'u. Aha topo bau kalaja anu momposangkalinga mian ka' mingadi-adi' susumo rasul-rasul i Kristus.

FILIPI 3:6

Aku binaani hondo, sahingga aku nonsakisa jama'at. De o'ala i atulan nu agama Yahudi, aku mian anu ma'ima', anu madi' ko kasala'annyo.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.