NYANYIAN ANU TALASANGGO 5:6 - KITAB NU TUMPU ALLA LELE MA'IMAI'

⁶ Tinuhea'akon-kumo na tumban da minsoop mae sindua'anku, panyo ia nobalikmo ka'nambamo. Talalo hondo ku indi na potataenyo; iliongku na ia panyo madi' kino hasinnyo. I lagangku na sanggonyo; panyo ia madi' mae nontaami.

NYANYIAN ANU TALASANGGO 5:6 ပူးပေါင်းရင်းမြစ်များ

NYANYIAN ANU TALASANGGO 5:2

Aku i hoyotmo panyo kinyonyoangku madi' hoyot. Hongo pe'e, sindua'anku nongkutetekmo tumban. Tuhea'akonmo mae na tumban langkoyang sindua'anku, malapati'ku anu saja' o inau' nu kinyonyoangku; Ubaku nohomemo nu dondu'ok, bulu nu ubaku kahomo jinujuhan nu dondu'ok pihi-pihi.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.

MARKUS 14:72

Tempo'nyo aitu mule' manuk nintutuhu'mo ko pinduannyomo. Ka' i Petrus sininsumbu'mo kalana i Yesus notataemo hi ia, “Ma'isa pe'e manuk mintutuhu' ko pinduannyo, beleyum pintolunmo mombahakon Aku.” Sahingga i Petrus i humaangmo, kalana nolibosmo.

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

ZAKHARIA 7:13

Aku madi'mo nontaami do'a nu aha kalana aha suele madi'mo nompotombihing mae tempo'nyo Aku notatae.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

HOSEA 5:6

Aha nambamo nolio Tumpu ka' nomboamo domba tiba sapi' da bau koloban panyo iwi-iwi' aijo' madi'mo kinogunanyo. Kalana Tumpu nompala'imo aha ka' mule' aha madi'mo daagi nompahakabot tiba Ia.

MOHAANGI 3:8

Aku nolokihismo momoita tulung, panyo Tumpu Allah madi'mo nohongo.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 8:17

Tumpu madi'mo nompotoa butong-Nyo hi lee' i Yakub, mian anu palesayamo hi Ia.

NYANYIAN ANU TALASANGGO 6:1

Nambamo noya na sindua'an nu beleyum, o, langkoyang anu tingkai'on hondo? Namba noya na sindua'an nu beleyum, da kami suele mompaha lio?

NYANYIAN ANU TALASANGGO 5:4

I lantutukanmo na kinyonyoangku, kalana sindua'anku nontoongimo pontoongian kunsi nu tumban.

AMSAL 1:28

Tokaje na tempo'nyo susumo aijo', belemiu molagaje aku panyo aku madi'mo mongkabot taami. Belemiu molioje aku iyaya mon panyo madi' okabot na aku.

MAZMUR 80:4

O, Tumpu, po'ule' mae pokopianiakon na' kantumuu'an mami; polibos maena montoa kami, da kami salamat.

MAZMUR 77:3

Tempo'nyo sinusa'mo hondo, aku binalado'amo hi Tumpu; Sampahu-pahu ku hangkat na limangku mokiita' hi Ia madi' aku ma'osa, panyo kinyonyoangku madi'mo mongka'oho' ohase'.

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

MAZMUR 30:7

Salatan ku oa'i madi'mo ko anu lewa' mae mompoposia, aku notataemo, “Aku madi' opoko ala ohungku'i!”

MAZMUR 28:1

Mazmur i Daud. O Tumpu hi Belento na pongkakaseanku da otulungi mae, Belento na montinjohi mae aku. De Belento madi' mohongo mae aku aku sumomo mian anu mintatau'mo iliang nu kubun.

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.

KAJADIAN 42:28

“Doingku po'ule' sinule'akon mae,” tinaloakonnyo hi to utu-utusnyo. “Toa aiya i uno nu kalungku!” Kinyonyoa nu aha tinolokengkengmo ka' aha nabuhukmo sahingga aha nompaha poki-pokilawamo, “Apaamo na nubau nu Tumpu Allah hi kita?”