NYANYIAN ANU TALASANGGO 5:16 - KITAB NU TUMPU ALLA LELE MA'IMAI'

¹⁶ De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 5:16 ပူးပေါင်းရင်းမြစ်များ

2 SAMUEL 1:23

I Saul tiba i Yonatan mongkanaya mian ka' okalibosi saja' mongka'oho' mosa'ngu' mau i uno nu kantumuu'an ka' ikasilakan; aha lebe malia' molingkudui alaimbelong, lebe mahoson molingkudui singa anu daagi bata'nyo.

MAZMUR 119:103

Talalo hondo matami' na potatae nu Belento nyamitnyo lebe matami' nulingkudui na juu' nu uani'.

MAZMUR 148:13

Tionyo ahi' aha iwi-iwi' mompuji' sanggo nu Tumpu, kalana sanggo-Nyo lebe talasanggo molingkudui iwi-iwi' na sanggo; katalasanggoan-Nyo lebe matangkas molingkudui langit ka' tano'.

MAZMUR 19:10

Monsombah Tumpu aijo' ma'ima' sampe toka sidu-sidutu'. Atulan nu Tumpu aijo' totu'u ka' adin iwi-iwi'.

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

MAZMUR 89:6

Sidang nu aha mian nu suluga' nompuji'mo palabuatan nu Belento anu okabangangi, ka' nonyanyiakonmo kanonongan nu Belento o, Tumpu.

NYANYIAN ANU TALASANGGO 1:16

Beleyum handa hondo, kukanonongi, totu-totu'u handa na beleyum. Kahoyotanto i hemput anu molumba'.

NYANYIAN ANU TALASANGGO 1:2

Ooki mae na aku nu biwi nu beleyum. Sindua'an nu beleyum lebe ma'ima' nu lingkudui na anggur!

NYANYIAN ANU TALASANGGO 1:5

Bakas mau mo'itom panyo aku handa o to lalangkoyang nu Yerusalem; mo'itom susumo kemah nu aha mian nu Kedar, panyo ma'ima' hondo susumo lalanse i laigan nu tomundo' Salomo!

NYANYIAN ANU TALASANGGO 2:1

Aku ola susumo bunga mawar lengkat mae i Saron, bunga-bunga bakung anu tumuu' isin na bangka'nyo.

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

NYANYIAN ANU TALASANGGO 2:3

Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

NYANYIAN ANU TALASANGGO 4:3

Biwi nu beleyum mimbalu-balu' sahamba na pita momea' ka'nganga' nu beleyum ma'ima' hondo. Gagising nu beleyum sumomo bua' nu dalima anu biniha'mo, sulu-suluk isambiha' nu kukumbung nu beleyum.

NYANYIAN ANU TALASANGGO 6:3

Aku aiya sindua'ankumo na tumpunyo, ka' mule' ia akumo an tumpunyo, ia nolaya'mo to domba-domba, aijo' i totonga' nu bunga bakung.

NYANYIAN ANU TALASANGGO 7:9

nganga' nu beleyum matami' sumo anggur! Bakas da anggur aijo' mo ili mokiijo' hi sindua'anku, ka' madi' ko kamingkotannyo, ka' momposumangat lebe mongka'ima'i sindua'an, ka' mule' hi to mia-mian anu daagi hau-haunyo hoyot.

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

YEREMIA 3:20

Panyo susumo bengkele' anu madi' tulu-tulutan beleyum suele ahi' madi'mo tulu-tulutan hi beleng-Ku. Aku, Tumpu notataemo.”

HOSEA 3:1

Tumpu notatae hi belengku, “Lako'mo mule' ka' sindua'i na boune anu mongka'oho' saja' masala'. Sindua'imo na ia susumo Aku suele monsindua'i mian nu Israel maumo aha nompala'imo Aku ka' nonsombahmo to pilo-pilogot ka' mongka'ima'i monsombahkon kukis anu matami' hi pilogot.”

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

YAKOBUS 2:23

Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?