NYANYIAN ANU TALASANGGO 5:1 - KITAB NU TUMPU ALLA LELE MA'IMAI'

¹ Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

NYANYIAN ANU TALASANGGO 5:1 ပူးပေါင်းရင်းမြစ်များ

KAJADIAN 37:25

Tempo'nyo aha hau-haunyo mongkaan, monti-montiik tinoa nu aha to mia-mian nu Ismael anu badagang hau-haunyo mamba lengkat mae i Gilead mokiijo'mo i Mesir. To unta-unta nu aha ko sake'nyo to lampa-lampa ka' kismis.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

MAZMUR 16:3

Ku angga'i hondo na to mia-mian anu susi' i lipu' aiya; anu ku ka'ima'i hondo aijo'mo jojoong hingga-hinggat tiba aha.

AMSAL 24:13

O anaku kaanmo na potik nu uani' kalana aijo' ma'ima'. Susumo ju' ingla ipotik nu uani' matami' na okaan,

AMSAL 9:5

“Imbo' ka' okaan na kaanonku ka' o inum na anggur anu binaungkumo.

NYANYIAN ANU TALASANGGO 1:13

Sindua'anku sumomo mur na nohongnyo, salatan ia natikalokosmo isaha'anku.

NYANYIAN ANU TALASANGGO 4:16

Pobulamo o mombun nu utara, tokamo mae o mombun nu salatan! Tobuungmo mae toka i ale'ku; da nohongnyo simpogahanmo. Ku taha'imani da sindua'anku toka i ale'nyo, ka' mongkaan bua'nyo anu toto tami-tami'.

NYANYIAN ANU TALASANGGO 4:8

Imbo' da kita mintatau'mo lengkat mae i Libanon pangantenku; imbo'mo da kita mintatau' lengkat mae i Libanon. Pintatau'mo lengkat mae aita i bawo nu bungkutnyo nu Amana, lengkat mae aita' i bawo nu bungkutnyo senir, tiba Hermon kajojoongan nu macan tutul tiba singa.

NYANYIAN ANU TALASANGGO 6:11

Aku nambamo i ale' nu kanali', montoa bunga-bunga i bangka'nyo. Ugaat anggur daagimo ko buha'nyomo ka' mule' kau' dalima nimbungamo.

NYANYIAN ANU TALASANGGO 6:2

Sindua'anku namba i ale'nyo, i ale' nu to lampa-lampa, da molaya' to domba-dombanyo i ale', ka' montipu mae sinin na bunga bakung.

NYANYIAN ANU TALASANGGO 8:1

O, de ugaat beleyum utus omput nu pusongku, anu toho' nonsusu hi tinangku, beleyum tantu ku ookimo de singkabot i jalan, madi' ko anu mongalu aku.

NYANYIAN ANU TALASANGGO 8:13

O, anu jojoong i ale' to sanga-sangalu kahanda'mo mohongo potatae nu beleyum, pohongoakon mae na aijo' hi belengku!

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 5:1

Potombihing mae na nyanyianku anu mompantisakon ale' nu anggur nu sangalungku. Sangalungku ko ale' nu anggur isohipi' nu puge'nyo anu molumba'.

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YESAYA 61:11

Mimbalu-balu' bine' anu sinaumo tumuu'mo timbali pomulaon, sumo atina'mo na Tumpu mompotokamae kasalamatan ka' iwi-iwi' na bansa mompuji'mo Ia.”

YESAYA 65:13

Sabenannyo mian anu monsombah Aku na mongkaan ahi' padahan belemiu mo'ohop. Aha monginum, padahan belemiu megot. Aha bilahimo, padahan belemiu ma'ambangmo.

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

LUKAS 12:4

“O inau', to sanga-sangalung-Ku! Boli mabuhuk hi aha anu mompatei butong, panyo madi' moko ala mombau anu molingkuduimo aijo'.

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

TO MIA-MIAN KOPIAN 14:11

Salatan aha mian nu Filistin nontoamo ia, aha nompile'imo tolumpulu' na to oli-olitau anu monsangalui ia.

TO MIA-MIAN KOPIAN 14:20

Lantas moniannyo nombee'mo bengkele' i Simson aijo' hi mian anu nonsangalui mae i Simson tempo'nyo ia i nika' aijo'.