NYANYIAN ANU TALASANGGO 4:9 - KITAB NU TUMPU ALLA LELE MA'IMAI'

⁹ Beleyum nonggodamo mae kinyonyoangku sintangku, pangantinku, Beleyum nonggodamo mae nu mata nu beleyum nonon tonto'imo mae tiba mainan anu ma'ima' hondo atina' i olo' nu beleyum.

NYANYIAN ANU TALASANGGO 4:9 ပူးပေါင်းရင်းမြစ်များ

KAJADIAN 20:12

Ka' ia mule' aijo' memang utusku ise'. Tuuma mami sa'a-sa'angu'nyomo, ola tina na mosi tina-tina ka' imihinyo mae kami no'osoamo.

MAZMUR 45:9

Baju' nu beleyum nanohongmo mur, gaharu, tiba cendana; pahaik musik ilaigan nu tomundo' anu ihiasan nu gading nompolame'mo beleyum.

AMSAL 1:9

kalana pangajalan nu aha haha aijo' montuangimo kalakuan nu beleyum sumomo pombunga-bungai ubak ka' olo' anu lebe mompohandamo ohup nu beleyum.

AMSAL 6:25

Boli beleyum tagoda kalana montoa butong nu aha handa, boli tagoda imata nu aha anu kahanda'mo monsale'i.

NYANYIAN ANU TALASANGGO 1:10

Gagising nu beleyum ma'ima' hondo atina' i olot nu palahiasan, gogohong nu beleyum pinohandamo nu lante anu ko mainannyo.

NYANYIAN ANU TALASANGGO 1:15

Beleyum handa hondo kukalibosi, beleyum handa totu-totu'u. Mata nu beleyum mimbalu-balu' malapati'.

NYANYIAN ANU TALASANGGO 3:11

Posabatmo mae na belemiu to lalangkoyang nu Sion, tonto'i na i Tomundo' Salomo nomposongko'mo makota' anu pinosongko'mo nu tinanyo isinaa pinonika'an ia isinaa ia ilame'mo.

NYANYIAN ANU TALASANGGO 4:10

Talalo hondo ma'ima' na ponsinta nu beleyum, sintangku, pangantinku, molingkuduimo tami'nyo nu anggur. Minya-minya' nu beleyum sinimpogahanmo na nohongnyo, molingkuduimo sinin na ngahan nu lampa.

NYANYIAN ANU TALASANGGO 4:12

Sindua'anku sumomo ale' anu ko pagannyo mesen, ale' anu ko pagannyo mesen, mata nu uee anu ginunsingmo.

NYANYIAN ANU TALASANGGO 6:12

Talalo hondo ku indi na beleyum mongka'ima'i mae, susumo mongindi na aku sumake i kareta anu opake mahampate sama-sama tiba to tu'a-tu'anyo anu talasanggo.

NYANYIAN ANU TALASANGGO 6:5

Posiloian na ohup nu beleyum, boli montonto'i mae aku, kalana pontonto'i mae nu beleyum mompobingong aku. Bulu nu ubak nu beleyum sumomo sanggombu na mee' anu nintuamo mae lengkat i bungkutnyo nu Gilead.

NYANYIAN ANU TALASANGGO 7:10

Aku aiya sindua'ankumo na tumpunyo, ia mongka'ima'i aku.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YESAYA 62:5

Susumo samian na olitau nongosoaimo langkoyang anu ma'isa toho' no'osoa sumo aitumo na Anu Nompotimbali beleyum nongosoaimo beleyum. Susumo samian na boting mo'ane lame'mo na montoa bengkele'nyo, sumo aitumo na Tumpu sinanangmo hi beleyum.

YEHEZKIEL 16:11

Pinakean-Kumo na beleyum nu mainan, ka' mule' lante' tiba galang.

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

1 KORINTUS 9:5

Te aku madi' ko hak momboa samian na bengkele' Kristen mojajalan tiba aku, momoya susumo anu binaumo nu to Utu-utus i Tumpu Yesus ka' to rasul-rasul sangga'atannyo, sagala i Petrus?

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.