NYANYIAN ANU TALASANGGO 4:6 - KITAB NU TUMPU ALLA LELE MA'IMAI'

⁶ Kahanda' na aku mamba i bungkutnyo nu mur, ka' i bungkutnyo kamangian, sampe ko baleba'nyomo daagi subu-subu anu mola'akonmo pintung de malomo.

NYANYIAN ANU TALASANGGO 4:6 ပူးပေါင်းရင်းမြစ်များ

MAZMUR 66:15

Ku sombahkonmo hi Belento na koloban anu opotunu, anu pinile'ankumo na binatang, aijo'mo, mee', domba ka' sapi' lakinyo, tibuknyo mintotonjomo mokiita' i langit.

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

NOSABATMO 30:8

Anu sumo aijo' tionyo ahi' nu bau suele de ia montutungimo sulu' mamalomo. Kamangian anu osombahkon aijo' tionyo ahi' saja' obau sampetoka sidu-sidutu'.

NOSABATMO 37:29

I Bezaleel suele nombaumo lanya' anu opake monsombah Tumpu tiba kamangian anu madi' ko galo'nyo ka' manohong hondo opogalo' sumo lanya' anu manohong hondo.

NYANYIAN ANU TALASANGGO 2:17

Sampe ko mombunnyomo subu-subu, anu mola'akonmo pikat pihi-pihi. Pinsusule'mo mae osindua'anku susumo kijang, susumo anak nu jonga ibungkutnyo nu Beter.

NYANYIAN ANU TALASANGGO 3:6

Pa' aijo' anu tinoka lengkat i padang anu mateges; susumo tibuk nu apu anu butolu? Nohongnyo sumomo mur ka' kamangian, tiba iwi-iwi' na bada' anu manohong lengkat mae hi mian anu badagang.

NYANYIAN ANU TALASANGGO 4:14

Narwastu, kunyit, kayu manis tiba tumba' tiba ngangahan nu kau' kamangian, Mur tiba gaharu, tiba ngangahan nu lampa anu pinile'anmo.

NYANYIAN ANU TALASANGGO 8:14

Sindua'anku tokamo mae susumo kijang, Sumomo anak nu jonga i bungkutnyo nu Beter.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

LUKAS 1:78

Tumpunto manonong ka' mongkalibosi; da momposalamat kita, sahingga Ia tinoka. Sumo batu nu sinaa bete' daagi' subu,

2 PETRUS 1:19

Mokonyo aijo' kami lebe mule' palesaya totu-totu'u hi potuunon nu Tumpu anu pinolelemo nu to nabi-nabi. Lebe ma'ima' belemiu mongintoomakon potuunon aijo', kalana potuunon aijo' sumo sulu' anu monjingkai tampat anu pintung sampe pe dunia nu jingkai nu hiusinyo nu jingka tolohinsi'mo, ka' jingka nu mandala' sasu kabete'an monjingkaimo uno nu kinyonyoa miu.

1 YOHANES 2:8

Mau mule' sumo aijo', palentah anu tinuliskumo aiya suele ahi' sala'je, kalana katotu'uannyo timbalimo otoa hi butong i Kristus ka' hi butong miu. Kalana kapintungan ko lapu-lapusnyomo ka' jingka anu totu'u momtampu'unimo majingka.

ANU PINOTO'I HI YOHANES 22:16

“Aku, i Yesus, nonsaimo malaikat-Ku namba hi belemiu da ia mompoto'iakon hahan aiya bau kapalaluan nu to jama-jama'at. Aku aiya lee' mae i Daud; Akumo na mandala' nu Kabete'an anu majingka hondo aijo'.”

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.