NYANYIAN ANU TALASANGGO 4:3 - KITAB NU TUMPU ALLA LELE MA'IMAI'

³ Biwi nu beleyum mimbalu-balu' sahamba na pita momea' ka'nganga' nu beleyum ma'ima' hondo. Gagising nu beleyum sumomo bua' nu dalima anu biniha'mo, sulu-suluk isambiha' nu kukumbung nu beleyum.

NYANYIAN ANU TALASANGGO 4:3 ပူးပေါင်းရင်းမြစ်များ

KAJADIAN 32:10

Aku madi' pantas montalima iwi-iwi' na kalibosan ka' kanonongan anu pinotoamo nu Tumpu hi belengku. Tempo'nyo aku nambamo mae notaap i Kaunyo nu Yordan, aku madi' mae nomboa apa-apaa, boli mompiakon tokon. Uuka aiya aku minsusule'mo mae tiba ohua' na tompukan aiya.

EZRA 9:6

Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

MAZMUR 119:13

Ku daka-daka'i na potatae mompoto'i iwi-iwi' na atulan anu binee'mo mae nu Belento.

MAZMUR 37:30

Mian anu ma'ima na kinyonyoanyo motatae na pande ahi' saja' ahi' hodi' na ia motatae.

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

AMSAL 10:13

Mian anu kopikilannyo matajom montaeakon potatae anu pande. Panyo mian anu ponga' na palalu ahi' opohos.

AMSAL 31:26

Madi' kopesa-pesa na ia motatae; potataenyo anu ko alati'nyo ma'ima'.

NYANYIAN ANU TALASANGGO 1:5

Bakas mau mo'itom panyo aku handa o to lalangkoyang nu Yerusalem; mo'itom susumo kemah nu aha mian nu Kedar, panyo ma'ima' hondo susumo lalanse i laigan nu tomundo' Salomo!

NYANYIAN ANU TALASANGGO 4:11

Matami' hondo napotatae nu beleyum pangantinku, sumomo juu' nu uani' anu madi' ko galo'nyo ka' mule' sumomo susu. Pakean nu beleyum sumomo nohong nu Bangkutnyo nu Libanon.

NYANYIAN ANU TALASANGGO 5:13

Gagisingnyo sumomo ale' nu lampa anu to noho-nohong, biwinyo sumomo bunga bakung anu monjujuhakon mur anu madi' ko galo'nyo.

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 6:7

Gagising nu beleyum sumomo biha'an nu bua' nu dalima, anu sulu-suluk isambiha' nu kukumbung nu beleyum.

NYANYIAN ANU TALASANGGO 7:9

nganga' nu beleyum matami' sumo anggur! Bakas da anggur aijo' mo ili mokiijo' hi sindua'anku, ka' madi' ko kamingkotannyo, ka' momposumangat lebe mongka'ima'i sindua'an, ka' mule' hi to mia-mian anu daagi hau-haunyo hoyot.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

IMAMAT 14:4

i imam mompokaumo ia momboa mae ohua' na tomonsi' anu daagi' tumuu', anu timbali okaan, tiba sangkolong na kau' walu, sambotu' na kahohon momea' ka' sampanga' na hisop.

IMAMAT 14:6

Tomonsi' sa'angu' mule' tiba kau' walu, kahohon momea', ka' sampanga' na hisop, olobongakon i baso' nu tomonsi' anu kinolotmo.

NOMBILANGMO 19:6

Ka' mule' imam tionyo ahi' mongala kau' aras sangkiding, sampanga' na kau' hisop ka' sampelu' na kahohon momea' lantas olumbu'akon mokiijo' i apu anu hau-haunyo pinompotunuanmo sapi' momea' aijo'.

NOMBILANGMO 4:8

Iwi-iwi' aijo' tionyo ahi' nukukubi nu aha nu hude momea' sambotu', lantas oposabutmo na kilit santake anu ma'ima' hondo aita' i buannyo, ka' opokonamo na kau' bau polembanan meja' aijo'.

MATIUS 12:35

Mian anu ma'ima' montaloakon hahan anu ma'ima' kalana ia buke' nu ka'ima'an. Sumo aitumo na mian anu ma'idek montaloakon hahan anu ma'idek, kalana buke' nu ka'idekan.

LUKAS 4:22

Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

YOSUA 2:18

Ola uuka na anu tionyo ahi' nu bau. De kami montumbuhimo lipu' nu belemiu aiya, sabole-bole kahohon mea-mea' aiya nu posegot i tolongan aiya, tampat pinonguluakonanmo nu beleyum kami. Tuuma ka' tina nu beleyum, to utu-utus nu beleyum, iwi-iwi' na aha sa'anakan nu tuuma nu beleyum tionyo ahi' sihuk i laigan nu beleyum aiya.