NYANYIAN ANU TALASANGGO 4:12 - KITAB NU TUMPU ALLA LELE MA'IMAI'

¹² Sindua'anku sumomo ale' anu ko pagannyo mesen, ale' anu ko pagannyo mesen, mata nu uee anu ginunsingmo.

NYANYIAN ANU TALASANGGO 4:12 ပူးပေါင်းရင်းမြစ်များ

KAJADIAN 29:3

De iwi-iwi' na pahasan nu mee' ka' domba sihukmo i tampat aijo', to pola-polaya' molingginakonmo batu aijo' i sohipi'nyo lantas opo'inumo na mee' ka' domba haha aijo'. Lapas aijo' to pola-polaya' po'ule'mo mongkulubi bubung aijo'.

NYANYIAN ANU TALASANGGO 4:9

Beleyum nonggodamo mae kinyonyoangku sintangku, pangantinku, Beleyum nonggodamo mae nu mata nu beleyum nonon tonto'imo mae tiba mainan anu ma'ima' hondo atina' i olo' nu beleyum.

NYANYIAN ANU TALASANGGO 6:11

Aku nambamo i ale' nu kanali', montoa bunga-bunga i bangka'nyo. Ugaat anggur daagimo ko buha'nyomo ka' mule' kau' dalima nimbungamo.

NYANYIAN ANU TALASANGGO 6:2

Sindua'anku namba i ale'nyo, i ale' nu to lampa-lampa, da molaya' to domba-dombanyo i ale', ka' montipu mae sinin na bunga bakung.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 7:34

ahennyo anu nupopikilakon mobagi-bagimo. Samian na boune anu madi' ko langkai'nyo, kabai samian na langkoyang, manjoo' mompopikilakon hahan mongkona Tumpu, kalana ia mongka'oho' da butong ka' santuu'nyo timbali Tumpu na tumpunyo. Panyo samian na boune anu ko langkai'nyomo, momposa'angu'mo pikilannyo i hahan nu dunia aiya, kalana ia mongka'oho'mo momposanang kinyonyoa nu langkai'nyo.

2 KORINTUS 1:22

Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.

ANU PINOTO'I HI YOHANES 7:3

Malaikat haha aijo' notatae, “Bolimo pe'e mongidei katano'an ka' ambai kabai to kau-kau' de kami ma'isa mombee'i tanda segen i siakan hi to posa-posaihon nu Tumpunto.”