NYANYIAN ANU TALASANGGO 4:1 - KITAB NU TUMPU ALLA LELE MA'IMAI'

¹ Beleyum handa hondo ku ka'ima'i, totu-totu'u beleyum handa hondo o sintaku, Mata nu beleyum isambiha' nu hude pinongkukumbungi sumomo malapati', Ubak nu beleyum hambahannyo sumomo mee' sanggombu anu nintatau'mo mae lengkat i bungkutnyo nu Gilead.

NYANYIAN ANU TALASANGGO 4:1 ပူးပေါင်းရင်းမြစ်များ

MAZMUR 45:11

O to Lalangkoyang nu tomundo' potombihing mae na potataengku kolilimimo na bansa tiba to sanga-sangalu nu beleyum.

NYANYIAN ANU TALASANGGO 1:15

Beleyum handa hondo kukalibosi, beleyum handa totu-totu'u. Mata nu beleyum mimbalu-balu' malapati'.

NYANYIAN ANU TALASANGGO 2:10

Hongo pe'e mae, sindua'anku notataemo mae hi belengku! Tokamo mae sindua'anku anu ku ka'ima'i!

NYANYIAN ANU TALASANGGO 2:14

O malapati'ku anu i olo-olot nu batu, patisulukannyo ikeles anu matungebe, de timbali da aku montoa ohup nu beleyum, ka' mohongo potatae nu beleyum, kalana ohup nu beleyum handa hondo, potatae nu beleyum suele ma'ima' hondo.

NYANYIAN ANU TALASANGGO 6:5

Posiloian na ohup nu beleyum, boli montonto'i mae aku, kalana pontonto'i mae nu beleyum mompobingong aku. Bulu nu ubak nu beleyum sumomo sanggombu na mee' anu nintuamo mae lengkat i bungkutnyo nu Gilead.

NYANYIAN ANU TALASANGGO 6:7

Gagising nu beleyum sumomo biha'an nu bua' nu dalima, anu sulu-suluk isambiha' nu kukumbung nu beleyum.

NYANYIAN ANU TALASANGGO 7:5

Ubak nu beleyum mimbalu-balu' bungkutnyo nu Karmel; bulu nu ubak nu beleyum tinobinan sumomo anu pinokalekot, momposanangmo nyawa nu samian na tomundo'.

YEREMIA 22:6

De ola pontoang-Ku laigan nu tomundo' Yehuda ma'ima' hondo, sumomo ahi' ko ima'nyo tano' nu Gilead ka' sinin na bungkutnyo nu Libanon; panyo tampat aijo' Ku potimbalimo susumo padang tampat anu mateges anu madi' nu jojoongi nu mian.

YEHEZKIEL 16:14

Iwi-iwi na bansa mompuji' beleyum kalana talalo handa hondo, ka' Akumo na nompojadi beleyum sahingga ihanda. Aku Tumpu Anu Matangkas na Kuasanyo notataemo.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

NOMBILANGMO 32:1

Tulunan nu bansa Ruben ka' i Gad ka' potuu'on manjoo' hondo. Salatan tinoa nu aha ma'ima' hondo na tano' nu Yaezer ka' tano' nu Gilead bau pompotuu'an binatang,

NOMBILANGMO 32:40

Kalana aijo' i Musa nombee'mo tano' nu Gilead aijo' hi aha sa'anakan i Makhir, ka' aha jinojoongmo ikiijo'.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.