NYANYIAN ANU TALASANGGO 2:7 - KITAB NU TUMPU ALLA LELE MA'IMAI'

⁷ Panyanyimo na belemiu to lalangkoyang nu Yerusalem, kona hi to jonga-jonga tiba to kija-kijang i padang, saba' belemiu madi'mo montewa basindua' sampe ia ma'osamo.

NYANYIAN ANU TALASANGGO 2:7 ပူးပေါင်းရင်းမြစ်များ

KAJADIAN 49:21

I Naftali, sumomo jonga anu lapa-lapas, to ima-ima' na to ana-anaknyo.

MAZMUR 18:33

Iamo na Tumpu anu nombee'imo mae kahosonanku ka' nombauimo mae kajalananku anu madi' ko anu mompoposia.

AMSAL 5:19

anu talalo langkoyang ka' mahalumpatan susumo kijang. Handanyo nu butongnyo saja' monggoda kinyonyoa nu beleyum da saja' beleyum mongka'oho' moduhus tiba ia sahingga beleyum ma'osa mombau da beleyum timbali sumo anu malangu.

AMSAL 6:5

Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.

NYANYIAN ANU TALASANGGO 1:5

Bakas mau mo'itom panyo aku handa o to lalangkoyang nu Yerusalem; mo'itom susumo kemah nu aha mian nu Kedar, panyo ma'ima' hondo susumo lalanse i laigan nu tomundo' Salomo!

NYANYIAN ANU TALASANGGO 2:17

Sampe ko mombunnyomo subu-subu, anu mola'akonmo pikat pihi-pihi. Pinsusule'mo mae osindua'anku susumo kijang, susumo anak nu jonga ibungkutnyo nu Beter.

NYANYIAN ANU TALASANGGO 3:5

Balajanji'mo na belemiu to lalangkoyang nu Yerusalem; tiba to jonga-jonga ka' to kija-kijang i padang, saba' belemiu madi'mo mongganggu basindua'an sampe ia ma osamo.

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 8:14

Sindua'anku tokamo mae susumo kijang, Sumomo anak nu jonga i bungkutnyo nu Beter.

NYANYIAN ANU TALASANGGO 8:4

Balajanji'mo na belemiu to lalangkoyang nu Yerusalem, saba' belemiu madi' monggoda sindua'anku, sampe ia ma osamo.

HABAKUK 3:19

Belento na nombee'i aku kahosonan, sumomo tengke nu jonga, tengkengku pinohosonakonmo nu Belento. Belento nontaka'mo aku da madi' ko anu mompoposia. Tempo'nyo aku ilumajang aita' ibungkutnyo. 9

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”