NYANYIAN ANU TALASANGGO 2:3 - KITAB NU TUMPU ALLA LELE MA'IMAI'

³ Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

NYANYIAN ANU TALASANGGO 2:3 ပူးပေါင်းရင်းမြစ်များ

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

MAZMUR 45:3

Belento na anu talalo ahi' handa nu hungku'i na manusia, potatae nu Belento saja' kaho ka'ima'an, mokonyo aijo' Belento nu balakati nu Tumpu, sampe toka sidu-sidutu.

MAZMUR 57:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud, tempo'nyo ia nopalaimo ninsoop i uno nu liang da madi' nukabot i Saul.

MAZMUR 89:6

Sidang nu aha mian nu suluga' nompuji'mo palabuatan nu Belento anu okabangangi, ka' nonyanyiakonmo kanonongan nu Belento o, Tumpu.

MAZMUR 91:1

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

NYANYIAN ANU TALASANGGO 1:16

Beleyum handa hondo, kukanonongi, totu-totu'u handa na beleyum. Kahoyotanto i hemput anu molumba'.

NYANYIAN ANU TALASANGGO 2:5

Pohosonakon mae na aku nu bua' nu anggur anu matami'. Posanang mae na aku nu bua' nu apel, kalana aku masakit monginau' sindua'an.

NYANYIAN ANU TALASANGGO 4:13

Ikiijo' mae tinumuu'mo na to kau-kau' dalima, ka' bua'nyo anu toto tami-tami' hondo. Bunga pacar tiba narwastu.

NYANYIAN ANU TALASANGGO 4:16

Pobulamo o mombun nu utara, tokamo mae o mombun nu salatan! Tobuungmo mae toka i ale'ku; da nohongnyo simpogahanmo. Ku taha'imani da sindua'anku toka i ale'nyo, ka' mongkaan bua'nyo anu toto tami-tami'.

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 7:13

Kau' ara taalo hondo manohong na nohongnyo, koko sabatan nu laiganto daagi ko bua' nu kau' anu matami', anu pininmo tinipu ka' anu salaje'; aijo' ku po una' da bau bagi nu beleyum, sindua'anku.

NYANYIAN ANU TALASANGGO 8:11

I Salomo ko ale' nu anggur kiijo' i Baal-Homon; ale aijo' binee'nyomo hi anu lewa' nonjagai. Toto samian mombayan samadala na takeannyo nu doi salaka salaku bau hasinnyo,

NYANYIAN ANU TALASANGGO 8:12

ka' mohumpak ua' atu bau tambo nu lawenyo. Bakasmo na doi aijo' baumo bagi nu beleyum Salomo, ka' mule baumo bagi nu anu lewa' monjagai ale' nu beleyum nabahagian sangga'at Panyo ale' nu anggurku na aku ahi' na tumpunyo, aiya i ahopku.

NYANYIAN ANU TALASANGGO 8:5

Ihe na aijo' anu tinokamo lengkat mae i padang anu mateges, natisehamo hi sindua'annyo? Ku bulaakon na beleyum male-male' i patu nu kau' apel, i tampat beleyum kinandung ka' pinohampe.

YESAYA 25:4

Kalana Belento baumo palaian nu to mia-mian anu madi' mahoson, tampat anu madi' ko mian mompoposia hi aha mian anu kasiasi i uno nu kasusa'an. Belentomo na bau pihohungan de ko baleba' makansang, ka' pingkongan de talalo mapengges na singit. Kalana mian anu buhingison de montumbuhi pokakanamo ahi' susumo anton daka' itempo' nu ehua, susumo mombun mapanas itano' anu kuunmo.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YESAYA 4:2

Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YESAYA 4:6

Ia na montindungi da madi' masingit ipanas anu taha-tahahumo mapengges de sinaamo ka' mompotimbalimo tampat bau pingkongan de mabohos mae na ujan ka' mule' de ko antong mae daka'.

YEHEZKIEL 47:12

Tutus poti-potimbiha' na sonibi nu kaunyo aijo' tinumuu'mo na ngangahan nu kau' anu okaan nu bua'nyo. Honnyo nu kau' aijo' madi' toho' magayou ka' bua'nyo madi' kokamingkotannyo. Kau' haha aijo' saja' mimbua' bua'nyo anu salaje mule' sambitu'on toka sambitu'on, kalana uee anu monguei nolengkat mae i Laigan nu Tumpu. Bua'nyo haha aijo' timbali kaanon ka' honnyo mule' haha aijo' mingguna bau pakuli'.”

YOËL 1:12

Kau' anu biasa kobua'nyo i padang tinimbalimo i nanggas iwi-iwi' kau' anggur, apel, arah, kurma, ka' dalima. Sahingga mian da'isan mule' madi'mo i lame'.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

TO MIA-MIAN KOPIAN 9:15

Hemput anu ko hii'nyo aijo' nontaami, de totu-totu'u belemiu kahanda'mo mompotimbali aku tomundo nu belemiu, imbo' pingkoong mae i patungku. De belemiu madi' mongka'oho', saba' to panga-panga'ku anu ko hii'nyo aiya na kalubatan nu apu anu mompapui sahingga mingkot na to kau-kau' aras anu kiijo' i Libanon mopapu.’ ”