NYANYIAN ANU TALASANGGO 2:10 - KITAB NU TUMPU ALLA LELE MA'IMAI'

¹⁰ Hongo pe'e mae, sindua'anku notataemo mae hi belengku! Tokamo mae sindua'anku anu ku ka'ima'i!

NYANYIAN ANU TALASANGGO 2:10 ပူးပေါင်းရင်းမြစ်များ

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

MAZMUR 85:8

Potoa mae hi kami da osumbu' mami taalu' sabole-boleh ahi' na Belento mongkalibosi mae, o, Tumpu, bee'i mae na kami kasalamatan anu lengkat mae hi Belento.

NYANYIAN ANU TALASANGGO 1:15

Beleyum handa hondo kukalibosi, beleyum handa totu-totu'u. Mata nu beleyum mimbalu-balu' malapati'.

NYANYIAN ANU TALASANGGO 1:9

Sindua'anku, beleyum sumomo ajahan behenyo, anu mohela' kareta i tomundo' Mesir.

NYANYIAN ANU TALASANGGO 2:11

Toa, tempo' nu bakin tinomboliumo, tempo' nu ujan noko lapasmo.

NYANYIAN ANU TALASANGGO 2:13

Kau' ara montampu'unimo mimbua'; kau' anggur nanohongmo na bunganyo, Tokamo mae na sindua'anku, imbo'mo sintaku.

NYANYIAN ANU TALASANGGO 2:8

Hongo pe'e sindua'anku tinokamo! Ia sumomo anak nu jonga kabai kijang. Maha lumpatan aita isinin na bungkutnyo, maha lende'an isinan na puge'nyo. Toa, tinuminjomo isambiha' nu pagan mesen, tiba matanyo na bau pomposilele'nyo, monsiligi itolongan.

NYANYIAN ANU TALASANGGO 5:2

Aku i hoyotmo panyo kinyonyoangku madi' hoyot. Hongo pe'e, sindua'anku nongkutetekmo tumban. Tuhea'akonmo mae na tumban langkoyang sindua'anku, malapati'ku anu saja' o inau' nu kinyonyoangku; Ubaku nohomemo nu dondu'ok, bulu nu ubaku kahomo jinujuhan nu dondu'ok pihi-pihi.

YEREMIA 31:3

itampat anu majo'on mae aku nompotoamo butong-Ku hi aha. O mian nu Israel, naipuan pe'e mae Aku memang ahi' mongkalibosi belemiu ka' memang Aku saja' ahi' sabole-bole mompotoa saba' Aku na saja' ahi' mongkalibosi belemiu.

MATIUS 9:9

Lapas aijo' i Yesus nompala'imo tampat aijo'. Hau-haunyo i lumajang, Ia nontoa samian topo tagi hasin, sanggonyo i Matius, hau-haunyo suha-suhang i kanton nu anu montage hasin. I Yesus notatae hi ia, “Imbo' batuk mae na Aku!” I Matius tinuminjo ka' nombatuki Yesus.

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.