NYANYIAN ANU TALASANGGO 1:8 - KITAB NU TUMPU ALLA LELE MA'IMAI'

⁸ Toho' mule' na beleyum monsumbu' tampatnyo, o anu handa anu aijo' hi aha to bou-boune? Batukimo na kalajangan nu gombuan nu domba, ka' olaya' na to memee' nu beleyum koko pinombauan kemah nu anu molaya'.

NYANYIAN ANU TALASANGGO 1:8 ပူးပေါင်းရင်းမြစ်များ

MAZMUR 16:3

Ku angga'i hondo na to mia-mian anu susi' i lipu' aiya; anu ku ka'ima'i hondo aijo'mo jojoong hingga-hinggat tiba aha.

MAZMUR 45:11

O to Lalangkoyang nu tomundo' potombihing mae na potataengku kolilimimo na bansa tiba to sanga-sangalu nu beleyum.

MAZMUR 45:13

Mian anu jojoong i Tirus momboamo mae palasombahan hi beleyum; mian anu kaya bala usahamo mae mongala kinyonyoa nu beleyum.

AMSAL 8:34

Mohumpak kasaangan i uno nu kantumuu'an na mian anu mompotombihing mae aku, anu toka sansina-sinaa sumuhang montanda'i isabatan nu laiganku, ka' balajaga-jaga isabatan daka'nu laigan kajo-kajojoonganku.

NYANYIAN ANU TALASANGGO 1:15

Beleyum handa hondo kukalibosi, beleyum handa totu-totu'u. Mata nu beleyum mimbalu-balu' malapati'.

NYANYIAN ANU TALASANGGO 2:10

Hongo pe'e mae, sindua'anku notataemo mae hi belengku! Tokamo mae sindua'anku anu ku ka'ima'i!

NYANYIAN ANU TALASANGGO 4:1

Beleyum handa hondo ku ka'ima'i, totu-totu'u beleyum handa hondo o sintaku, Mata nu beleyum isambiha' nu hude pinongkukumbungi sumomo malapati', Ubak nu beleyum hambahannyo sumomo mee' sanggombu anu nintatau'mo mae lengkat i bungkutnyo nu Gilead.

NYANYIAN ANU TALASANGGO 4:10

Talalo hondo ma'ima' na ponsinta nu beleyum, sintangku, pangantinku, molingkuduimo tami'nyo nu anggur. Minya-minya' nu beleyum sinimpogahanmo na nohongnyo, molingkuduimo sinin na ngahan nu lampa.

NYANYIAN ANU TALASANGGO 4:7

Beleyum handa hondo, sintangku, madi' ko anu opisala'i hi beleyum.

NYANYIAN ANU TALASANGGO 5:9

Pa' sindua'an nu beleyum na molingkudui sindua'an nu sangga'at, o langkoyang anu talalo ahi' tingkai'on? Pa' sindua'an nu beleyum na molingkudui sindua nu sangga'at, sahingga beleyum nonsaimo kami balajanji'?

NYANYIAN ANU TALASANGGO 6:1

Nambamo noya na sindua'an nu beleyum, o, langkoyang anu tingkai'on hondo? Namba noya na sindua'an nu beleyum, da kami suele mompaha lio?

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

YOHANES 21:15

Noko kaan na aha, i Yesus notataemo hi Simon Petrus, “Simon anak i Yona, apaa beleyum lebe mongkalibosi Aku, molingkudui pongkalibosi nu aha aiya hi beleng-Ku?” “Totu'u, Kita Tumpu,” tinaaman i Petrus. “Nu sumbu' nu Kita Tumpu na aku mongkalibosi Kita Tumpu.” I Yesus notatae hi ia, “Palakaiyakon na to ana-anak nu dombang-Ku.”

1 KORINTUS 11:1

Obatuki na sonto'ku, sumo aku suele nombatukimo sonto' i Kristus.

EFESUS 5:27

Tiba jalan anu sumo aijo' i Kristus mompotinjomo jama'at aijo' talasanggo ka' Susi' i ahop-Nyo, madi' ko ideknyo kabai anu kulang mau mule' apaa.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

IBRANI 6:12

Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

YAKOBUS 2:21

Toamo na i Abraham mompolee'to. Ia pinototu'u nu Tumpu kalana han anu binaunyomo tempo'nyo ia nonsombahkon i Ishak anaknyo, hi Tumpu i mezbah.

YAKOBUS 2:25

Toa suele na i Rahab, boune anu lewa' masala' aijo'. Ia pinototu'umo nu Tumpu kalana apaa na anu binaunyomo tempo'nyo ia nomposoop i uno nu laigannyo anu namba nondoyoni bansa Israel ka' nontulungimo aha nopalai nontului jalan sangga'at.

YAKOBUS 5:10

To Utu-utus, o inau' na to nabi-nabi anu binasisikmo salaku nowakini mae Tumpu. Aha sinabanmo ka' madi' nompele-pele' na nongoa'i sansala. Jadi, ala na aha da salaku bau sonto'.

1 PETRUS 3:6

I Sara mule' sumo aijo', ia tulu-tulutan hi Abraham ka' monsanggohi ia tuannyo. Kita utus tempo' uuka to ana-anakmo i Sara, de belemiu nombaumo hahan anu ma'ima' ka' madi' mabuhuk hi mau mule' pa' apaa.