NYANYIAN ANU TALASANGGO 1:7 - KITAB NU TUMPU ALLA LELE MA'IMAI'

⁷ O sindua'anku poto'i mae, iya mae na polaya'an nu beleyum domba haha aijo', Iya mae na pompolukutan nu beleyum aha de malomo? Toho' mule' na aku susumo mian anu lewa' mamba momoya hi aha gombuan nu domba nu to sanga-sangalu nu beleyum?

NYANYIAN ANU TALASANGGO 1:7 ပူးပေါင်းရင်းမြစ်များ

KAJADIAN 37:16

“To utu-utusku tu'a. Aha hau-haunyo molaya' pahasan nu mee' ka' domba,” tinaaman i Yusuf, “Osumbu' nu belento Tuuma iya mae na aha uuka?”

MAZMUR 116:1

Ku ka'ima'i na Tumpu, kalana Ia nohongomo mae aku, ka' nonginau'mo mae anu pinoitangkumo.

MAZMUR 18:1

Anu mongkapalai panyanyi. Mazmur i Daud, posaihon nu Tumpu. Inyanyiakon hi Tumpu salatan i Daud madi'mo pinoposia i Saul ka' aha anu monsampobali' ia.

MAZMUR 28:1

Mazmur i Daud. O Tumpu hi Belento na pongkakaseanku da otulungi mae, Belento na montinjohi mae aku. De Belento madi' mohongo mae aku aku sumomo mian anu mintatau'mo iliang nu kubun.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

NYANYIAN ANU TALASANGGO 2:3

Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

NYANYIAN ANU TALASANGGO 5:10

Sindua'anku handa ka' tingkaion, lebe molingkudui aha anu sampulu' na madala na mian.

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.

NYANYIAN ANU TALASANGGO 6:2

Sindua'anku namba i ale'nyo, i ale' nu to lampa-lampa, da molaya' to domba-dombanyo i ale', ka' montipu mae sinin na bunga bakung.

NYANYIAN ANU TALASANGGO 6:3

Aku aiya sindua'ankumo na tumpunyo, ka' mule' ia akumo an tumpunyo, ia nolaya'mo to domba-domba, aijo' i totonga' nu bunga bakung.

NYANYIAN ANU TALASANGGO 8:13

O, anu jojoong i ale' to sanga-sangalu kahanda'mo mohongo potatae nu beleyum, pohongoakon mae na aijo' hi belengku!

YESAYA 13:20

Mau pe'e samian madi'mo daagi' ko anu jojoong ikiijo' mae. Madi'mo daagi' ko mian nu aha Arab anu lewa' mamba momoya na mombau kema' nu aha itampat aijo' ka' mule' madi'mo ko to pola-polaya' na molaya' mee' tiba dombanyo da opo, otot kiijo mae.

YESAYA 26:9

Santuu'ku saja' monginau' Belento de pihimo kinyonyoangku montaha'imani Belento de subu-subumo. De Belento momputusimo palakala nu dunia aiya, nu sumbu'je nu mian anu jojoong idunia aiya apaa na anu sahondo-hondonyo.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 5:1

Potombihing mae na nyanyianku anu mompantisakon ale' nu anggur nu sangalungku. Sangalungku ko ale' nu anggur isohipi' nu puge'nyo anu molumba'.

YEREMIA 33:12

Tumpu Anu Mahakuasa notataemo, “Lipu' tiba kota-kota'nyo anu sumomo padang tampat anu mateges aiya madi'mo nu jojoongi nu manusia kabai binatang. Panyo maumo ahi' sumo aijo, saidi' mae imihinyo po ule'mo nu tumuu'i nu hemput padang ka' polaya'anmo nu mian dombanyo.

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

YOHANES 10:11

Aku polaya' anu manonong. Polaya' anu manonong mombee' nyawanyo kalana monsawani domba-dombanyo.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”

I RUT 2:21

Lapas aijo' notatae mule' na i Rut, “O kita Tinangku, pinoto'i nu mian kiijo' mule' da aku sabole-bole saja' montoluki gandum hingga-hinggat tiba anu mokalaja hi ia sampeje ahi' iwi-iwi' opoko padakmo.”