NYANYIAN ANU TALASANGGO 1:4 - KITAB NU TUMPU ALLA LELE MA'IMAI'

⁴ Sampamo lia-lia' na kita, o tomundo'ku, boamo mae na aku i uno nu salipi' nu beleyum.

NYANYIAN ANU TALASANGGO 1:4 ပူးပေါင်းရင်းမြစ်များ

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

MAZMUR 119:32

Aku sanang hondo na tulu-tulutan hi palentah nu Belento, kalana Belento nombalakatimo da aku lebe mangalati'.

MAZMUR 119:60

Ku lia-lia'imo ka' madi'mo montanda'i na mompojalan palentah nu Belento.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 42:4

Sinaa pihi aku sola'mo humang, me mongkaan lolu'ku. Sansina-sina na sampobali'ku mompokilawa mae, “Iyamo mae na Tumpu nu beleyum?”

MAZMUR 48:9

Susumo anu ihongontomo, uuka aiya tinoantomo, i Kota' nu Tumpu Anu Balakuasa hondo. Kota' aijo' atina'mo na Kota' nu Tumpu-nto, Nu sangaja'i sampe toka sidu-sidutu'.

MAZMUR 63:5

Sansina-sinaa i uno nu kantumuu'anku, aku montalima kaseh hi Belento; ku hangkat na limangku mokiita' hi Belento ka' balado'a.

NYANYIAN ANU TALASANGGO 3:4

Salaje pinala'ianku na aha, ku singkaboti na anu ku una' i uno nu kinyonyoangku Ia tinoongankumo ka' madi'mo ilapasakonku; sampe binoangkumo ilaigan nu tinangku, no kiijo' isalipi' nu mian anu nompohampe aku.

NYANYIAN ANU TALASANGGO 4:10

Talalo hondo ma'ima' na ponsinta nu beleyum, sintangku, pangantinku, molingkuduimo tami'nyo nu anggur. Minya-minya' nu beleyum sinimpogahanmo na nohongnyo, molingkuduimo sinin na ngahan nu lampa.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.

YEREMIA 31:3

itampat anu majo'on mae aku nompotoamo butong-Ku hi aha. O mian nu Israel, naipuan pe'e mae Aku memang ahi' mongkalibosi belemiu ka' memang Aku saja' ahi' sabole-bole mompotoa saba' Aku na saja' ahi' mongkalibosi belemiu.

HOSEA 11:4

Kalana Ku kalibosi Ku po ohani na ia hi beleng-Ku. Iwi-iwi' na kasansala'annyo, Ku polaing. Ka' kalana kanonongan-Ku binee'an-Kumo mongkaan naia.

ZEFANYA 3:14

O Israel hagaimo ka' panyanyimo! O Yerusalem bilahimo buke-buke' na kinyonyoa!

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 25:10

Lantas to lalangkoyang anu ponga' aijo' namba nongoli lanya'. Hau-haunyo aha namba, tinokamo na boting mo'ane. Olima' na langkoyang anu sinadiamo aijo' ninsoop hingga-hinggat tiba boting mo'ane i tampat nu bau-bauon, ka' tumban pinotumbanmo!

LUKAS 2:10

Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

YOHANES 12:32

Panyo Aku aiya, de Aku ohangkatmo tangka-tangkas i bawo nu dunia aiya, aha iwi-iwi' na mian Ku pahaboamo hi beleng-Ku.”

YOHANES 6:44

Madi' ko samian pe'e moko ala toka hi beleng-Ku, de Tuuma anu nonsai mae Aku madi' nomboa mae ia hi beleng-Ku; ka' ihe na toka po'ule' Kupotumuu' i Sinaa Kakiamatan.

EFESUS 2:6

Kalana kita nosa'angu'mo tiba i Kristus Yesus, Tumpu nompo'ule'mo nompotumuu' kita hingga-hinggat tiba Ia, da kita mompalentah suele hingga-hinggat tiba Ia i uno nu suluga'.

EFESUS 6:24

O amalakon da Tumpu mombalakati kita Utus iwi-iwi' anu mongkalibosi Tumpunto i Yesus Kristus, nu kalibosan anu madi' ko kapopoho'annyo. Tabea' mami, I Paulus

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.