NYANYIAN ANU TALASANGGO 1:16 - KITAB NU TUMPU ALLA LELE MA'IMAI'

¹⁶ Beleyum handa hondo, kukanonongi, totu-totu'u handa na beleyum. Kahoyotanto i hemput anu molumba'.

NYANYIAN ANU TALASANGGO 1:16 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

NYANYIAN ANU TALASANGGO 1:15

Beleyum handa hondo kukalibosi, beleyum handa totu-totu'u. Mata nu beleyum mimbalu-balu' malapati'.

NYANYIAN ANU TALASANGGO 2:3

Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

NYANYIAN ANU TALASANGGO 3:7

Toa aijo' na kasuhangan i Salomo; tinikuban nu mian aha anompulu' anu to babaani, mian haha aijo' anu to babaani i hi aha Israel,

NYANYIAN ANU TALASANGGO 5:2

Aku i hoyotmo panyo kinyonyoangku madi' hoyot. Hongo pe'e, sindua'anku nongkutetekmo tumban. Tuhea'akonmo mae na tumban langkoyang sindua'anku, malapati'ku anu saja' o inau' nu kinyonyoangku; Ubaku nohomemo nu dondu'ok, bulu nu ubaku kahomo jinujuhan nu dondu'ok pihi-pihi.

NYANYIAN ANU TALASANGGO 5:5

Sahingga no bulamo na aku, kahanda' po ule' montuhea'akon tumban da minsoop mae na sindua'anku. Mur jinumujumo lengkat aiya ilimangku tiba i kangkam nu limangku, nohumpisimo pontoongian supat nu tumban.

NYANYIAN ANU TALASANGGO 7:6

Totu-totu'u tingkaion hondo na beleyum, anu osinta hondo i antala nu aha anu oka'ima'i.

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.