NYANYIAN ANU TALASANGGO 1:12 - KITAB NU TUMPU ALLA LELE MA'IMAI'

¹² Hau-haunyo tomundo'ku kiijo' ikamale'annyo, nanohongmo na minya-minya' nu narwastuku.

NYANYIAN ANU TALASANGGO 1:12 ပူးပေါင်းရင်းမြစ်များ

MAZMUR 45:1

Mazmur nu aha sa'anakan i Korah. Nyanyian mongkalibosi. Anu mongkapali panyanyi. Ingala ilagu nu nyanyian; Bunga bakung.

NYANYIAN ANU TALASANGGO 1:11

Beleyum binauanmo mami, palahiasan mosoni' ka' komainannyo salaka.

NYANYIAN ANU TALASANGGO 7:5

Ubak nu beleyum mimbalu-balu' bungkutnyo nu Karmel; bulu nu ubak nu beleyum tinobinan sumomo anu pinokalekot, momposanangmo nyawa nu samian na tomundo'.

MATIUS 22:11

Lantas tomundo aijo' ninsoop ka' lewa' montoa to mia-mian anu i laga. Ia nontoa ko samian i bau-bauon aijo' anu madi' nompake pakean nu bau-bauon.

MATIUS 22:4

Lapas aijo', tomundo aijo' nonsai mule' to poka-pokauhonnyo sangga'at. Pinoto'inyo hi aha: ‘Opoto'iakon hi aha anu i laga aijo': Kaanon nu bau-bauon sinadiamo. Sapi', ka' ana-anak nu sapi'ku anu talalo ma'ima' kinolotmo. Iwi-iwi' sinadiamo. Imbo'mo da mokiijo' i bau-bauon po'osoan!’

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MARKUS 14:3

Salatan i Yesus daagi'mo i Betania, i laigan hi Simon anu u'utu mae sinansala nu panyakit kilit anu monsilakai, samian na boune tinoka hi Ia. Ia nomboa sa'angu' na boton pualam ko sinyo minya-minya' manohong anu mahan hondo, bakat anu manohong na binau. Tempo'nyo i Yesus hau-haunyo suha-suhang mongkaan, boune aijo' nongukap kolop nu boton aijo' ka' dinudu'akonnyo na minya-minya'nyo i buan nu ubak hi Yesus.

YOHANES 12:3

Lapas aitu i Maria nomboa mae kila-kila mintonga' na liter minya-minya' manohong narwastu, lampa-lampa anu manohong na binau ka' mahan hondo na olinyo. Ia nondudu'akon minya-minya' aijo' i tengke i Yesus, ka' sinapuannyo nu ubaknyo. Sinongko nu nohong na laigan aijo', kalana minya-minya' aijo'.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.