NOSABATMO 9:27 - KITAB NU TUMPU ALLA LELE MA'IMAI'

²⁷ Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

NOSABATMO 9:27 ပူးပေါင်းရင်းမြစ်များ

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

MAZMUR 129:4

Panyo Tumpu anu adin hondo nompobebasmo aku da madi'mo binotuanan.”

2 TAWARIKH 12:6

I Tomundo ka' to pola-polaya' nongakuimo tukoonyo nu aha, aha binaladosa'mo. Aha notataemo, “Apaa na anu binaumo nu Tumpu aijo' memang adin.”

NOSABATMO 10:16

I tomundo sampamo nolaga i Musa ka' i Harun lantas notataemo, “Aku binaladosa'mo hi Tumpu Allah nu belemiu ka' suele hi belemiu.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

NOMBILANGMO 22:34

Tinaaman i Bileam, “Aku binaladosa'mo. Madi' sinumbu'ku taalu' belento Tuan tinuminjomo itotonga' nu jalan kahanda' mongampang aku. Panyo uuka aiya, de o ala i pikilan nu belento Tuan, madi' ma'ima' de aku molausakon lajangku aiya, aku minsusule'mo.”

1 SAMUEL 26:21

Tinaaman i Saul, “Aku nombaumo kasala'an pinsusule'mo Daud, Anaku! Aku madi'mo daagi mombau anu ma'idek hi beleyum kalana beleyum nohalala'akonmo aku sinampahu na utu. Kalakuanku memang pinonga'mo. Aku totu-totu'u sinala'mo!”

1 SAMUEL 15:24

Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”

NOSABATMO 8:8

I tomundo nolagamo i Musa ka' i Harun ka' nompoto'i “Balado'amo hi Tumpu da Nu alini na bahangkakak haha aiya sahingga ku pobee'je na bansa nu beleyum mamba monsombahkon koloban hi Tumpu.”

NOSABATMO 8:25

Lapas aijo' i lagamo i tomundo na i Musa ka' i Harun lantas pinoto'inyomo, “Lako'mo mamba sombahkon na koloban hi Tumpu Allah nu belemiu, panyo ola i lipu' aiya.”

NOSABATMO 10:17

Ampuniakon mae na dosa'ku minsan uuka ka' do'akon mae hi Tumpu Allah nu belemiu, da po'ule' Nu ala na hukuman aiya hi belengku anu nonsilakaimo mae aiya.”

NOMBILANGMO 21:7

Lantas bansa aijo' tinokamo nangadap hi Musa ka' notatae, “Kami binaladosa'mo kalana nososonmo hi Tumpu ka' hi belento. Do'akon mae hi Tumpu da ulo haha aiya bolimo toka mae hi kami.” Sahingga i Musa nondo'akonmo bansa aijo'.

YOSUA 7:20

“Totu'u,” na koonyo i Akhan, “Aku nombaumo dosa' hi Tumpu, Tumpu Allah nu Israel. Aiya na anu binaungkumo:

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.