NOSABATMO 9:25 - KITAB NU TUMPU ALLA LELE MA'IMAI'

²⁵ I songko-songko na lipu' ujan eis aijo' nongideimo iwi-iwi' apaa na anu i ale', tibamo manusia ka' potuu'on. Iwi-iwi' na sosu'anon i ale' na'idekmo ka' to kau-kau' singkapmo notua'.

NOSABATMO 9:25 ပူးပေါင်းရင်းမြစ်များ

MAZMUR 78:47

Kau' anggur nu aha ingidean-Nyomo nu ujan batu, ka' iwi-iwi' na kau' ara nu aha ingideannyomo nu dondu'ok anu tebeen.

NOSABATMO 9:19

Jadi palentahkon da iwi-iwi' na potuu'on ka' iwi-iwi' na anu nu belemiu, anu i sambiha'nyo oboa i tampat anu koongon. Iwi-iwi' na mian ka' potuu'on anu i sambiha'nyo ka' madi' okoongi tionyo mate nukona nu ujan eis.' ”

NOSABATMO 9:24

ujan eis mabohos hondo galo-galo' kilat mototamian. Aijo'mo na ujan eis anu talalo hondo mabohos i sisikon nu aha Mesir.

MAZMUR 78:48

Ia nompojohokmo ujan eis nongkampitimo potu'on nu aha ka' kilat nonsosakmo binatang nu aha iwi-iwi'.

YEHEZKIEL 13:13

Tumpu Anu Matangkas na Kuasanyo notatae, “De Aku motambuha'mo, Ku potokamo mae na baleba' anu makansang hondo, ujan anu daka' hondo ka' mule' ujan eis da mohansunimo pagan mesen haha aijo'.

NOSABATMO 9:6

Dodododopnyo sina-sinaa Tumpu nombaumo susumo anu tinaloakon-Nyomo. Iwi-iwi' na potuu'on nu bansa Mesir natemo, panyo potuu'on nu bansa Israel sa'angu' pe'e madi' ko anu i nate.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.