NOSABATMO 9:19 - KITAB NU TUMPU ALLA LELE MA'IMAI'

¹⁹ Jadi palentahkon da iwi-iwi' na potuu'on ka' iwi-iwi' na anu nu belemiu, anu i sambiha'nyo oboa i tampat anu koongon. Iwi-iwi' na mian ka' potuu'on anu i sambiha'nyo ka' madi' okoongi tionyo mate nukona nu ujan eis.' ”

NOSABATMO 9:19 ပူးပေါင်းရင်းမြစ်များ

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

NOSABATMO 9:6

Dodododopnyo sina-sinaa Tumpu nombaumo susumo anu tinaloakon-Nyomo. Iwi-iwi' na potuu'on nu bansa Mesir natemo, panyo potuu'on nu bansa Israel sa'angu' pe'e madi' ko anu i nate.

NOSABATMO 9:25

I songko-songko na lipu' ujan eis aijo' nongideimo iwi-iwi' apaa na anu i ale', tibamo manusia ka' potuu'on. Iwi-iwi' na sosu'anon i ale' na'idekmo ka' to kau-kau' singkapmo notua'.

MAZMUR 78:48

Ia nompojohokmo ujan eis nongkampitimo potu'on nu aha ka' kilat nonsosakmo binatang nu aha iwi-iwi'.