NOSABATMO 9:16 - KITAB NU TUMPU ALLA LELE MA'IMAI'

¹⁶ Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

NOSABATMO 9:16 ပူးပေါင်းရင်းမြစ်များ

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

2 TOMU-TOMUNDO' 19:35

Pihi-pihimo aitu na Malaikat nu Tumpu tinoka i kemah nu aha mian Asyur, ka' nompatei 185.000 na suludadu. Dodo-dodopnyo subu-subu bangke' nu aha haha aijo' paha-paha bahangkangmo.

1 TAWARIKH 16:24

Sisikakon na katalasanggoan-Nyo hi to bansa-bansa, ka' iwi-iwi' na anu binau-Nyomo anu baani hondo hi manusia.

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

NOSABATMO 9:15

De Aku mohukum belento ka' layat nu belento, nu panyakit, tantu belemiu nohopu'mo iwi-iwi'.

NOSABATMO 9:17

Mau mule' sumo aijo', belento daagi' ahi' kobubuun ka' madi' mongka'oho' mompobee' mian anu pinalesayamo hi beleng-Ku mamba.

AMSAL 16:4

Sinin na apaa na anu nu bau nu Tumpu ko makisud-Nyo; ka' makisud nu mian anu ma'idek na kinyonyoanyo ola kasilakan.

YEREMIA 32:20

Naipuan mae Belento nombaumo hahan anu okabangangi tiba hahan anu daka' hondo i Mesir, ka' sampe toka tempo uuka aiya Belento daagi' ahi' saja' mombau mau hi aha mian nu Israel mau hi aha iwi-iwi' na bansa sangga'at. Kalana aijo' Belento tempo' uuka aiya tinalasanggomo iyaya mae.

YEHEZKIEL 39:21

Tumpu notatae, “Ku potoamo na kakuasa'an-Ku hi aha bansa-bansa. Nu toaje nu aha pa' mosia na Aku monggunakon kuasang-Ku monsidahi kaputusan-kaputusan-Ku anu adin.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

NOMBILANGMO 14:21

Panyo Aku balajanji' i butong-Ku ka' kalana Aku anu tumuu' ka' mongkuasai dunia aiya,

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

YOSUA 4:24

da iwi-iwi' na mian anu i dunia aiya monsumbu' palias na kodaka'nyo na kuasanyo nu Tumpu. Ka' tiba jalan anu sumo aijo' belemiu mongadatimo Tumpu, Tumpu Allah nu belemiu sampe toka sidu-sidutu'.”

1 PETRUS 2:19

Tumpu na mombalakati belemiu, de komiu mangalati' i kahanda' nu Tumpu, sabaan na mongoa'i sansala i hukuman anu madi' adin.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

1 SAMUEL 4:8

Memang kita matemo! Ihe na moko ala momposalamat kita de kita mompaha bali'mo tiba pilogot haha kiijo' anu baani hondo? Temisa pilogotmo haha kiijo' na nompatei aha mian nu Mesir i padang bone'naipuan mae?