NOSABATMO 8:8 - KITAB NU TUMPU ALLA LELE MA'IMAI'

⁸ I tomundo nolagamo i Musa ka' i Harun ka' nompoto'i “Balado'amo hi Tumpu da Nu alini na bahangkakak haha aiya sahingga ku pobee'je na bansa nu beleyum mamba monsombahkon koloban hi Tumpu.”

NOSABATMO 8:8 ပူးပေါင်းရင်းမြစ်များ

1 TOMU-TOMUNDO' 13:6

Lantas notataemo na i Tomundo' Yerobeam hi nabi aijo', “Tulungiakon mae do'akon hi Tumpu Allah nu beleyum na aku. Poitakon da Nu kalibosi mae ka' mompo'alinakonmo limangku!” Nabi aijo' nondo'akonmo hi Tumpu, lantas na'alinmo na lima i tomundo'.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

NOSABATMO 10:16

I tomundo sampamo nolaga i Musa ka' i Harun lantas notataemo, “Aku binaladosa'mo hi Tumpu Allah nu belemiu ka' suele hi belemiu.

NOSABATMO 10:17

Ampuniakon mae na dosa'ku minsan uuka ka' do'akon mae hi Tumpu Allah nu belemiu, da po'ule' Nu ala na hukuman aiya hi belengku anu nonsilakaimo mae aiya.”

NOSABATMO 10:18

I Musa nompala'imo i tomundo ka' binalado'amo hi Tumpu.

NOSABATMO 14:5

Salatan i hongo nu tomundo Mesir taalu' bansa Israel nalaimo, ia ka' aha anu ko pangkatnyo nompele-pele'mo ka' notatae, “Apaamo na anu obaunto? Kadaka' pinojohoktomo na aha mian nu Israel aijo' namba sahingga kita madi'mo ko anu bau botuan?”

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

NOSABATMO 8:15

Salatan tinoa i tomundo taalu' bahangkakak haha aijo' singkapmo i nate, ia sabole-bolemo pinanggaga. Ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

NOSABATMO 8:29

Tinaaman i Musa, “De aku mambamo ku do'akonje lia-lia' hi Tumpu da dodop lalo haha aijo' mompala'imo belento Tuanku, to mia-mian anu ko pangkatnyo ka' layat. Panyo bolimo mongakali kami, ka' bolimo montewa' bansa Israel mamba monsombahkon koloban hi Tumpu.”

NOSABATMO 8:32

Panyo aiya suele i tomundo sabole-bole ahi pinanggaga ka' madi' ahi' nompobee' bansa aijo' da mambamo.

NOSABATMO 8:9

Tinaaman i Musa, “Sanang na kinyonyoangku mondo'akon belento Tuanku. Potantumo na tempo'nyo da ku do'akon na belento Tuanku, to pangka-pangkat ka' layat. Da balaa' bahangkakak haha aijo' madi'mo mae toka hi belento Tuanku, ka' madi'mo ko anu tontuha', sangadinyo anu ikiijo' i Kaunyo nu Nil.”

NOSABATMO 9:27

Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

NOSABATMO 9:28

Balado'amo hi Tumpu; kami sinampemo na nongoa'i sansala kalana gohung ka' ujan eis aiya. Ku pobee'mo na belemiu mamba. Bolimo belemiu jojoong i aiya.”

NOSABATMO 9:33

Lantas i Musa nompala'imo i tomundo ka' nambamo nosabat i kota; ikiijo' mae ia nontangkakonmo limanyo ka' binalado'amo hi Tumpu, sahingga tempo'nyo aitu madi'mo kino gohung, ujan eis ka' ujan.

NOMBILANGMO 21:7

Lantas bansa aijo' tinokamo nangadap hi Musa ka' notatae, “Kami binaladosa'mo kalana nososonmo hi Tumpu ka' hi belento. Do'akon mae hi Tumpu da ulo haha aiya bolimo toka mae hi kami.” Sahingga i Musa nondo'akonmo bansa aijo'.

SISIKON NU TO RASUL-RASUL 8:24

Lantas i Simon notatae hi Petrus ka' hi Yohanes, “Tulungi pe'e poitakon hi Tumpu da madi' ko sa'angu' pe'e na anu tinaloakonmo nu to utu-utus aijo' jadi hi belengku.”

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”