NOSABATMO 8:6 - KITAB NU TUMPU ALLA LELE MA'IMAI'

⁶ Sahingga i Harun nontangkakonmo tokonnyo nokiijo' i sasu iwi-iwi' na uee sahingga i lubatmo na to baha-bahangkakak nonsongkohi iwi-iwi' na lipu'.

NOSABATMO 8:6 ပူးပေါင်းရင်းမြစ်များ

2 SAMUEL 7:22

Totu-totu'u daka' na kakuasa'an nu belento, o Tumpu Allah! Ola sa'a-sa'angu'nyomo belento na Tumpu Allah, madi' ko anu pokakana tiba belento. Sinumbu'mo mami na han aijo' kalana pinoto'imo hi kami naipuan pe'e mae.

2 TAWARIKH 6:14

“O, Tumpu, Tumpu Allah nu Israel! Aita' i langit kabai aiya i tano' madi' ko anu sumo belento! Belento nongganapimo janji' nu Belento ka' nompotoamo kalibosan nu Belento hi mian anu pinalesayamo hi belento, anu mohongo-hongo ka' tulu-tulutan lengkat i konyonyoanyo anu totu-totu'u hondo hi belento.

MAZMUR 105:30

Bahangkakak sinumosingka'mo i lipu' nu aha, ka' suele nompinsoopimo laigan nu tomundo'.

MAZMUR 78:45

Sinakisa'-Nyomo na aha nu lalo anu tahahumo hondo na konjo'nyo, ka' nompojohokmo tano' nu aha da pinoko'idekmo nu bahangkakak.

MAZMUR 86:8

O, Tumpu, madi' ko tumpu sangga'at susumo Belento madi' ko anu moko ala mombau apa-apaa susumo anu binaumo nu belento.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

NOSABATMO 10:2

ka' da beleyum timbali monsisikakon hi lee' nu belemiu mosia na Aku nompahaikakonmo bansa Mesir nu anu okabangangi haha aijo'. Sahingga belemiu iwi-iwi' monsumbu'mo taalu' Akumo aiya na Tumpu.”

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NOSABATMO 7:19

Tumpu nompoto'i hi Musa, “Pokaumo na i Harun mongala tokonnyo ka' opotadu mompatui iwi-iwi' na kaunyo to sepe-sepe' ka' to kola-kolam anu aiya i Mesir. Ueenyo timbalimo baso', ka' i songko-songko na lipu' ko baso'nyomo ka' mule' i toka-kas pongisian uee, ka' to gumba-gumbang batu.”

NOSABATMO 9:14

Uuka aiya Aku mompotokamo balaa' misa' ola hi aha mian anu ko pangkatnyo ka' hi layat, panyo suele hi belento, da nusumbu' nu belento taalu' madi' ko anu moko ala mompokakanai Aku i songko-songko na dunia.

NOSABATMO 9:29

Notataemo na i Musa hi Tomundo, “Malia-lia'je ku do'akon de aku tokamo i sambiha'nyo nu kota, ku tangkakonje na limangku mokiita' hi Tumpu. Gohung madi'mo lumontup ka' ujan eis madi'mo tudun, da nusumbu' nu belento Tuanku taalu', dunia aiya anu nu Tumpu.

YESAYA 43:10

O, mian anu palesayamo hi beleng-Ku, belemiumo na to sakisi-sakising-Ku, belemiu pinile'an-Kumo da baumo to posa-posaihon-Ku da monsumbu' mae Aku ka' mule' palesaya mae hi beleng-Ku, ka' mangalati'mo taalu' Akumo ahi' na Tumpu. Akumo na Tumpu Anu Sa'a-sa'angu'nyomo madi'mo daagi' ko sangga'atnyo mau ma'isa pe'e ko Akunyo kabai mau daagi'mo ko Akunyo aiya.

PO'ULE' INGULIT 32:31

Sampobali' nu aha Israel nonsumbu'mo taalu' anu monjagai aha madi' susumo Tumpu Allah anu monjagai Israel.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 4:35

Iwi-iwi' aijo' pinotoamo nu Tumpu hi belemiu da bau pomponyata' saba' ola Tumpu, aijo'mo na Tumpu Allah ka' madi'mo ko sangga'atannyo.

ANU PINOTO'I HI YOHANES 16:13

Lantas aku nontoamo totolu' na roh anu ma'idek sumo bahangkakak. Toto sa'angu' na bahangkakak haha aijo' nosabatmo mae i nganga' nu ulo anu talalo daka' hondo, lengkat i nganga' nu binatang ka' lengkat i nganga' nu nabi anu madi' totu'u.