NOSABATMO 8:27 - KITAB NU TUMPU ALLA LELE MA'IMAI'

²⁷ Kami tionyo ahi' mamba i padang bolaa anu kojo'onnyo tolun sinaa na molajangi mamba monsombahkon koloban hi Tumpu Allah mami, susumo anu pinalentahkon-Nyomo hi kami.”

NOSABATMO 8:27 ပူးပေါင်းရင်းမြစ်များ

NOSABATMO 10:26

Iwi-iwi' na potuu'on mami tionyo ahi' oboa mami; sa'angu' pe'e madi' opo una' mami. Potuu'on haha aijo' opile'i mami iya na anu osombahkon hi Tumpu Allah mami. Ikiijo'je mae ka' osumbu' potuu'on anu momosia na osombahkon mami.”

NOSABATMO 3:12

Tinaaman nu Tumpu Allah, “Ku tulungije na beleyum. Ka' de bansa aijo' nu boamo mosabat lengkat i Mesir, belemiu monsombahmo hi beleng-Ku i bungkutnyo aiya. Aijo'mo na pontoan taalu' aku nonsaimo beleyum.”

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 34:11

Tuluti na to atu-atulan anu Ku bee' hi belemiu sinaa aiya. Aku nolaa'mo bansa Amori, Kana'an, Het, Feris, Hewi, ka' Yebus da belemiu mambamo mahampate.

NOSABATMO 5:1

Lapas aijo' i Musa ka' i Harun nambamo nangadap hi tomundo Mesir ka' nompoto'i, “Sumo uuka na palentah nu Tumpu, Tumpu Allah Israel, 'Pobee' mae na bansang-Ku mamba da aha timbali monsombah beleng-Ku kiijo' mae i padang bola.' ”

NOSABATMO 5:3

I Musa ka' i Harun notatae, “Tumpu Allah mian nu Ibrani nanintoamo hi kami. Pobee'mo mae na kami mamba i padang bola kojo'onnyo tolun sinaa na lumajang da monsombahkonmo koloban hi Tumpu, Tumpu Allah mami. De madi' obau mami na aijo', kami Nu pateimo nu panyakit kabai mahampate.”

IMAMAT 10:1

Daagi' kino sansinaan i Nadab ka' i Abihu, to ana-anak i Harun, nongalamo tampat pombauan nu aha apu toto samian ka' ingisianmo nu aha nu oba. Lantas inguna'anmo nu aha kamangian na apu aijo' ka' nonsombahkonmo hi Tumpu. Panyo apu aijo' anu madi' halala' kalana Tumpu madi' nompokau aha monsombahkon.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110