NOSABATMO 8:26 - KITAB NU TUMPU ALLA LELE MA'IMAI'

²⁶ “Sahanyo boli,” tinaaman i Musa, “kalana mian nu Mesir madi'mo sanang na kinyonyoa de montoamo anu osombahkon mami aijo', ka' tantu kami opahambunu'akonmo nu batu sampe mate.

NOSABATMO 8:26 ပူးပေါင်းရင်းမြစ်များ

KAJADIAN 43:32

I Yusuf nongkaan i sa'angu' na meja' ola posi ia, ka' to utu-utusnyo i meja' sangga'at. To mia-mian nu Mesir anu ikiijo' nongkaan suele i meja' sangga'at, kalana aha mongoa'i madi' pantas mongkaan hingga-hinggat tiba mian nu Ibrani.

KAJADIAN 46:34

poto'i hi ia taalu' belemiu daagi' pe'e ise' nompotuu'mo to bina-binatang, susumo mompolee' nu belemiu. Tiba jalan anu sumo aijo' ia monsaimo komiu jojoong i da'erah Gosyen.” I Yusuf nompoto'i sumo aijo' kalana mian nu Mesir mongoa'i madi' pantas na aha mosangalu tiba to pola-polaya' binatang.

2 TOMU-TOMUNDO' 23:13

Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 8:8

I tomundo nolagamo i Musa ka' i Harun ka' nompoto'i “Balado'amo hi Tumpu da Nu alini na bahangkakak haha aiya sahingga ku pobee'je na bansa nu beleyum mamba monsombahkon koloban hi Tumpu.”

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”