NOSABATMO 8:24 - KITAB NU TUMPU ALLA LELE MA'IMAI'

²⁴ Tumpu nompotokamo mae lalo manjoo' hondo i laigan nu tomundo ka' hi iwi-iwi' na laigan nu to mia-mian anu ko pangkatnyo. Songko-songko na lipu' nu Mesir mongoa'imo hondo sansala kalana lalo haha aijo'.

NOSABATMO 8:24 ပူးပေါင်းရင်းမြစ်များ

MAZMUR 105:31

Kalana pinalentahmo nu Tumpu Allah, lalo singkapmo tinoka ka' iwi-iwi' na momot sinihukmo i songko-songko na lipu'.

MAZMUR 78:45

Sinakisa'-Nyomo na aha nu lalo anu tahahumo hondo na konjo'nyo, ka' nompojohokmo tano' nu aha da pinoko'idekmo nu bahangkakak.

NOSABATMO 8:14

Mian nu Mesir nontoluki bangke' nu bahangkakak haha aijo' manjoo' hondo na tambulannyo sahingga songko-songko na lipu' binusikannyomo.

NOSABATMO 8:21

De beleyum madi' mompobee' saba' Ku potokamo mae na lalo hi beleyum, hi to mia-mian anu ko pangkatnyo ka' hi layat. Iwi-iwi' na laigan nu mian Mesir ka' mule' songko-songko na lipu' mobuke'mo nu lalo.

NOSABATMO 8:23

Madi' pokakana na Aku mombau mian anu pinalesayamo hi beleng-Ku tiba layat nu beleyum. Anu okabangangi aijo' timbalimo dodop.' ”

NOSABATMO 8:4

Bahangkakak haha aijo' malalumpatan mompoliba'i beleyum, iwi-iwi' anu ko pangkatnyo ka' layat.' ”